Kahs luhn God uh acse nuh sesr ma nuhkewa kuht enenuh in muhtwacnglah ma upac ke lwen sahflah se inge. (2Tim. 3:1, 16, 17) Ne ohinge, oasr pacl kuht enenuh kahsruh in konwacack oakwuck wo in Bible ma kuh in orekmakihnyuck nuhke sie ma sikyak. Ke sie mwe puhpuhlyuck, yac kom sie pahpah kuh ninac suc suk kahs in kahsruh in tuhfahlah tuhlihk uh? Kuh yac kom sie mwet fuhsr suc upac nuh sum in sruokyac oaru lom nuh sin Jeova? Yac kom sie tuhmanmas kuh katinmas suc puhla ahsor yohk ke misac luhn mukul kuh muhtwacn kiyom? Kom kuh in konwacack mwe lutlut ke jw.org ma ahkkahlwemye sie oakwuck wo in Bible ma ac kahsre kom ac ke ohiyac pucspucs sahyac.—Soa. 2:3-6.

Ke jw.org home page, toanyac tab se inge BIBLE TEACHINGS. (Liye petsac 1.) Sulaclah mwe lutlut se ma kom luhngse liki drop-down list. Kuh toanyac LIBRARY > ARTICLE SERIES ac mwe lutlut se ma kom luhngse. (Liye petsac 2.) Kom kuh in konwacack category sepacna inge ke JW Library^®. * Kom kuh in liye engankihn mwe lutlut nuhkewa ke acn luo inge. Sie pac inkacnek wo pa in konwacack sie mwe lutlut orekmakihn search feature ke jw.org.

Typiyac sifac ekahsr inge ke search box, ac suhmuhslah mwe lutlut ma kom luhngse in rit.

• Tuhfahlah tuhlihk

• Evolution

• Ma Pwacye ke Misac