Home page luhn website lasr ahkkahlwemye mwe lutlut ac video ma oreklac in sun insiacn mwet suc tiac Mwet Loh luhn Jeova. (Orek. 13:48) Mwe lutlut ac video inge kwacna ahkuhtweyac sifac ma sruhmuhnyuck ke news, kuh ma ma mwet nuhnkuh ac sramsram kac.

Kom ac orekmakihn fuhkah jw.org home page ke orekma in luti lom?

• Check website se inge pacl nuhkewa. Liye lah ma fuhkah ahkkahlwemyeyuck kac, ac nuhnkuh lah fuhkah kom ac orekmakihn ma inge in kahsruh sie mwet suc luhngse in lohng. (In konwacack mwe lutlut ac video suc tuhfahnna ahkkahlwemyeyuck ke home page, toanyac “See More.”) Kom fin etuh ma sasuc ma oasr ke website, ma inge ac fah kahsre kom in ahksasucye mwe sramsram lom ke orekma in luti.

• Orekmakihn mwe lutlut ac video ma ahkkahlwemyeyuck ke home page in muhtwacwacack sie mwe sramsram. Ma inge kuh in kahsre kuht in etuh ke ma mwet ke acn in forfor lasr elos nuhnkuh kac.

• Ahkkahlwemye home page nuh sin mwet uh. Ahkkahlwemye nuh sin mwet lah fuhkah in liye koanon website se inge.

• Share nuh sin mwet link an. Kuhtuh mwet sruhnga in sramsram nuh sesr ke kuht tuhkuh nuh yohrohltahl, tuhsruhktuh eltah luhngse in som nuhke website lasr. Ke ma inge, nikmet inse luo in sang sie link nuhke home page, kuh link nuhke mwe lutlut kuh sie video ma ahkkahlwemyeyuck ke website nuh sin sie mwet suc pwacr in lohng.