MOUL LUHN MWET CHRISTIAN
Luhlahlfongi Jeova Ke Pacl Se Oasr Mwet Funmweti Kom
Bullies eltahl kuh in ahkngalye kuht ac oruh kuht in ahsor. Eltahl kuh pac in ahkmuhnasye fototo lasr nuh sin Jeova kuht fin sahngweng ke eltahl lain alu lasr uh. Kom ac karihngihn kom fuhkah liki sie mwet suc funmweti kom?
Puhs sin mwet luhn Jeova elos kuhtanglah liki orekma koluk luhn mwet suc funmweti mwet, mweyen elos luhlahlfongi Jeova. (Psa. 18:17) Ke sie mwe puhpuhlyuck, Esther el puhlaik in kahskahs tuh elan kuh in fahk nuh sin tohkohsrah oakwuck koluk luhn mwet suhlallacl se inge pahngpahng Haman. (Est. 7:1-6) Meet liki el oruh ma inge, el ahkkahlwemye luhlahlfongi lal nuh sin Jeova ke el lalo. (Est. 4:14-16) Jeova el ahkinsewowoye orekma lal ac El molwellah mwet lal uh.
Mwet fuhsr, fin oasr mwet fuhnmweti kom, siyuck sin Jeova ke kahsruh ac sramsram nuh sin sie mwet mahtuh, oacna pahpah kuh ninac kiom, fahk nuh sel ma upac inge ma kom sun. Kom kuh in luhlahlfongi lah Jeova el ac fah kahsre kom oacna ke el kahsrel Esther. Meac pac ma sahyac kom kuh in oruh in kahsre kom ke pacl oasr mwet ahkkolukye kom?
LIYE VIDEO SE INGE MY TEEN LIFE—HOW CAN I COPE WITH BULLYING? AC TOHKOHYANG TOHPOHKLAH KIHSEN SIYUCK INGE:
-
Meac mwet fuhsr kuh in lotwelah ke mwe srihkasrak lal Charlie ac Ferin?
-
Meac pahpah ac ninac kuh in lotwelah ke comment lal Charlie ac Ferin ke inkacnek elos kahsruh tuhlihk nahtuhlos in kuhtanglah liki mwet suc funmweti mwet?
