MWE LUTLUT 01

Bible Uh Kuh In Kahsre Kom Fuhkah?

PLAY

Inkaiyacsr luhngse in eis etwacack yohk ke moul, srihpen mwe kweok, misac ac ke ma ac sikyak ke pacl fahsruh uh. Kuht fosrngahlah pac lah fuhkah in eis mwe enenuh lasr ke moul, kuh fuhkah in oasr insewowo ke sucu. Mwet pucspucs fahk muh Bible uh kahsrelos in konwacack top nuhke kihsen siyuck lalos ke moul. Oacyacpac sang nuh selos kahs in kahsruh ma elos kuh in orekmakihn lwen nuhkewa ke moul lalos. Kom nuhnkuh muh Bible uh kuh in kahsruh mwet uh?

1. Meac kuhtuh kihsen siyuck ma Bible uh tohpohklah?

Bible uh tohpohklah kihsen siyuck yohk srihpac inge: Moul uh muhtwacwacack fuhkah? Meac srihpen moul? Efuh kuh mwet uh sun mwe kweok? Meac sikyak ke pacl se sie mwet el misac? Fin mwet nuhkewa luhngse in oasr mislac, efuh kuh oasr mweun pucspucs? Meac ac fah sikyak ke facluh ke pacl fahsruh uh? Bible uh ahkkweye kuht in suk top nuhke kihsen siyuck inge, ac million sin mwet konwacack top na wowo nuh kac.

2. Bible uh kuh in kahsre kuht fuhkah in engankihn moul lasr lwen nuhkewa?

Bible uh acse nuh sesr kahs in kahsruh na wowo. Ke sie mwe puhpuhlyuck, ma inge luti lah fuhkah sucu uh kuh in insewowo na pwacye. Ma inge fahk nuh sesr lah meac kuht ac oruh ke pacl ma oasr mwe fosrngah ac fuhkah in engankihn orekma lasr uh. Kom ac fah lotwelah lah meac Bible uh luti kac uh ac ke kuhtuh pac ma sahyac ke kuht tuhkweni lutlutkihn mwe rit se inge. Kom kuh in luhlahlfongi na pwacye lah “ma Suhmuhslah nuhkewa [ma nuhkewa in Bible] . . . oasr srihpac” ac wo nuh sesr.—2 Timothy 3:16.

Mwe rit se inge tiacna ahollah Bible uh. A, in ahkkweye kom sifacna in tuni Bible uh. Ke ma inge, kuht kwacfe kom in riti ma suhmuhslah nuhkewa ma oasr ke mwe lutlut inge ac srihke nuhke ma kom lotwelah.

AHKYOHKYE LUTLUT LOM

Liye lah fuhkah Bible uh kahsruh mwet uh, kom ac engankihn fuhkah in rit Bible, ac efuh arlacna wo in eis kahsruh sin mwet sahyac in kahlwem kac.

3. Bible uh kuh in kol kuht

Bible uh oacna sie tengki. Ma inge kahsre kuht in oruh sulaclah wo ac in etuh lah meac ac fah sikyak ke pacl fahsruh uh.

Riti Psalm 119:105. Tohkohyang, sramsramkihn kihsen siyuck inge:

Meac mwet sihm luhn psalm inge nuhnkuh ke Bible?
Meac nuhnak lohm ke Bible?

4. Bible uh kuh in tohpohklah kihsen siyuck lasr uh

Sie muhtwacn el konwacack lah Bible uh tohpohklah kihsen siyuck yohk srihpac ma el nuhnkuh kac ke lusen yac pucspucs. Liye VIDEO se, ac tohkohyang, sramsramkihn kihsen siyuck ekahsr inge.

VIDEO: Never Give Up Hope! (1:48)

Ke video sacn, kain in kihsen siyuck fuhkah muhtwacn sac nuhnkuh?
Lutlut Bible uh kahsrel fuhkah?

Bible uh ahkkweye kuht in tahfwelah na in siyuck kihsen siyuck. Riti Matthew 7:7, ac tohkohyang, sramsramkihn kihsen siyuck se inge:

Kihsen siyuck fuhkah oasr yurum ma Bible uh kuh in tohpohklah?

5. Kom kuh in engankihn rit Bible

Mwet pucspucs elos engankihn rit Bible ac eis ma wo kac. Liye VIDEO se, ac tohkohyang, sramsramkihn kihsen siyuck ekahsr inge.

VIDEO: Bible Reading (2:05)

Ke video sacn, meac puhlakihn luhn mwet fuhsr ke elos rit?
Eltahl finne tiac luhngse in rit, efuh kuh eltahl luhngse in riti Bible?

Bible uh ahkkahlwemye lah oasr kahs in luti nuh sesr ma ahkkweye kuht ac acse nuh sesr finsrak. Riti Rome 15:4. Tohkohyang, sramsramkihn kihsen siyuck se inge:

Yac kom luhngse in etuh lah wuhlelah fuhkah sramsramkihnyuck ke fuhs se inge?

6. Mwet sahyac uh kuh in kahsre kuht in kahlwem ke Bible

Puhs mwet suc rit Bible. Tuhsruhktuh, oasr mwet suc konwacack lah mwe kahsruh na yohk se fin oasr mwet sahyac weluhlos in lutlutkihn ma inge. Riti Orekma 8:26-31. Tohkohyang, sramsramkihn kihsen siyuck se inge:

Kuht ac kahlwem fuhkah ke Bible?—Liye fuhs 30 ac 31.

Mukul Ethiopia se el enenuh kahsruh tuh elan kahlwem ke ma el rit ke ma suhmuhslah. Mwet pucspucs ke pacl inge elos konwacack lah elos eis kahlwem yohk ke Bible fin oasr mwet suc kahsrelos

KUHTUH MWET UH FAHK: “Lutlut Bible uh eislah pacl.”