Lutlut Bible uh ac fah kahsre kom na pwacye. Tuhsruhktuh, tiac fihsracsr in oruh pacl nuhkewa. Sahp kom nuhnkuh, ‘Yac nga kuh in tahfwelah na lutlut luhk ke Bible uh?’ Efuh kuh kwacfeacng lom in tahfwelah na lutlut arlacna wo? Meac kuh in kahsre kom in tahfwelah na in lutlut finne oasr ma upac uh?

1. Efuh kuh yohk srihpac in lutlutkihn Bible?

“Kahs luhn God uh moulna ac oasr kuh kac.” (Hebrew 4:12) Bible uh arlac sacohk mweyen ma inge ahkkahlwemye nuhnak luhn God ac puhlakihn lal keim. Ma inge kahsre kom in eis etwacack, oacyacpac lahlmwetmwet ac finsrak uh. Ma yohk srihpac emeet, Bible uh kahsre kom in eklac mwet kawuck luhn Jeova. Ke kom lutlutkihn Bible, kom lwelah in oasr kahsruh na wo ke moul lom.

2. Efuh kuh yohk srihpac kom in akihlen yohk srihpaciyen ma pwacye in Bible?

Ma pwacye in Bible uh pa oacna mwe kahsruhp sacohk. Pa sis Bible uh ahkkweye kuht in “moli ma pwacye ac nikmet kuhkwackuhnlah.” (Soakas 23:23, BMK) Ke kuht etuh sacohkiyen ma pwacye luhn Bible, kuht kwacfeacng in tahfwelah na in lutlutkihn ma inge finne oasr ma upac.​—Riti Soakas 2:4, 5.

3. Jeova el kuh in kahsre kom fuhkah in tahfwelah na in lutlut?

Jeova, suc mwet Orekomlac ac Kawuck lom, el luhngse in kahsre kom in lotwelah kacl. El kuh in usot “kuh ac engan” in lutlutkihn Kahs lal uh. (Riti Philippi 2:13.) Pwacnacng, kom fin enenuh kuhtuh pac mwe ahkkweye tuh kom in lutlut ac orekmakihn ma kom lotwelah, el kuh in kahsre kom. Ac fin oasr ma upac lom kuh oasr mwet suc lain lutlut lom an, el ac fah sot kuh lom kom in muhtwacnglah ac kuhtanglah kac. Siyuck kahsruh sin Jeova pacl nuhkewa ke inkacnek luhn puhruhe tuh kom in tahfwelah na in lutlut Bible.​—1 Thessalonica 5:17.

 AHKYOHKYE LUTLUT LOM

4. Oruh lutlut lom ke Bible in pa yohk srihpac emeet

Oasr pacl, ke srihpen kuht arlac kahfofo, wacngihnlac pacl lasr in lutlutkihn Bible. Meac kuh in kahsruh? Bible uh fahk lah kuht in “liye meac ma yohk srihpac liki, tuh in wacngihn mwactuwos ac in tiac ahktihkuclkuclye mwet sahyac nuhke lwen luhn Christ.” (Philippi 1:10, NW) Sramsramkihn kihsen siyuck ekahsr inge:

• Nuh sum sifacna, meac “ma yohk srihpac liki” ke moul?

• Kom ac oruh fuhkah tuh lutlut lom ke Bible in yohk srihpac emeet?

1. Kom fin ac fihliyac puhkpuhk meet nuh luun pakiht se, wacngihnlac acn luhn yot nuh kac.

2. Kom fin fihliyac yot meet nuh kac, oasr acn in sang inkaiyen puhkpuhk nuh kac. Ke inkacnek oacpacna, kom fin ac fihliyac meet “ma yohk srihpac liki” ke moul lom, kom kuh in ahkpwacyeye ma inge ac srackna oasr pacl lom nuhke ma sahyac

Ke kuht lutlutkihn Bible, ma inge ahkfalye ma enenuh lasr in etuh ac in alu nuh sin God. Riti Matthew 4:4, ac tohkohyang sramsramkihn kihsen siyuck se inge:

• Ma wo fuhkah kuht eis kuht fin oruh lutlut lasr ke Bible in pa yohk srihpac emeet?

 5. Tahfwelah na finne kom sun mwe lain

6. Luhlahlfongi lah Jeova el ac fah kahsre kom

 MA KUHT LOTWELAH

Tiac fihsracsr pacl nuhkewa in lutlut ke Bible. Tuhsruhktuh, kom fin ac tahfwelah na in lutlut, ac kuh in kahsre kom in insewowo ma pahtpaht. Luhlahlfongi Jeova ac el ac fah ahkinsewowoye kom.

Kalweni

• Efuh kuh ma pwacye ma oasr in Bible uh yohk srihpac nuh sum?

• Kom kuh in ahkpwacyeye fuhkah lah “meac ma yohk srihpac liki”?

• Efuh kom enenuh in siyuck sin Jeova in kahsre kom in tahfwelah na in lutlutkihn Bible?