MWE LUTLUT 19
Yac Mwet Loh luhn Jeova Uh Mwet Christian Pwacye?
Kuht Mwet Loh luhn Jeova uh luhlahlfongi lah kuht mwet Christian pwacye. Efuh? Mwe luti lasr uh fal nuhke meac? Efuh kuh pahngonyuck kuht oacna Mwet Loh luhn Jeova? Kuht ahkkahlwemye fuhkah lah kuht luhngse sie sin sie?
1. Luhlahlfongi luhn Mwet Loh luhn Jeova uh fal nuhke meac?
Jesus el fahk: “Kahs lom [luhn God] ma pwacye.” (John 17:17) Oacna Jesus, Mwet Loh luhn Jeova uh ahkfalye mwe luti lalos nuhke Kahs luhn God. Nuhnkuh ke history luhn Mwet Loh luhn Jeova suc etweyuck meet oacna Bible Students. Ke yac 1870 kuhtuh, sie u luhn mwet lutlut Bible elos lutlutkihn ahkwoyac Kahs luhn God. Elos ahkfalye ma elos luhlahlfongi nuhke ma Bible uh fahk, finne ma inge siena liki mwe luti luhn alu sahyac. Ac elos fahkwack nuh sin mwet sahyac ma elos lotwelah. a
2. Efuh kuh pahngonyuck kuht oacna Mwet Loh luhn Jeova?
Jeova el pahngon mwet suc alu nuh sel oacna mwet loh, mweyen elos fahkwack ma pwacye kacl. (Hebrew 11:4–12:1) Ke sie mwe puhpuhlyuck, in pacl meet ah God el fahk nuh sin mwet lal uh: “Kowos mwet loh luhk.” (Riti Isaiah 43:10.) Jesus el pahngonyuck oacna “mwet loh oaru.” (Fwackyuk 1:5) Ke ma inge, in yac 1931 kuht orekmakihn ine se inge Jehovah’s Witnesses. Kuht arlacna engan in pahngonyuck ke ine se inge.
3. Mwet Loh luhn Jeova uh etahi luhngse lal Jesus fuhkah?
Jesus el luhngse na pwacye mwet tuhma lutlut lal, ac elos oacna sucu nuh sel. (Riti Mark 3:35.) Ke inkacnek oacpacna, Mwet Loh luhn Jeova elos inse sefanna ac nuhnkuh ke sie sin sie oacna sie sucu ma oasr facluh nohfohn. Pwacnacng, kuht pahngon sie sin sie oacna brother ac sister. (Philemon 1, 2) Kuht ahkos pac masap se inge: “Kowos . . . luhngse mwet luhlahlfongi wiowos.” (1 Peter 2:17) Mwet Loh luhn Jeova uh ahkkahlwemye luhngse inge ke inkacnek pucspucs, oacna in kahsruh mwet luhlahlfongi wiyacsr ke pacl oasr ma enenuh lalos.
AHKYOHKYE LUTLUT LOM
Lotwelah kuhtuh pac ma sahyac ke history luhn Mwet Loh luhn Jeova, ac liye mwe ahkpwacyeye sahyac lah kuht mwet Christian pwacye.
Mwet Christian pwacye ahkfalye ma elos luhlahlfongi ke Bible ac fahkwack ma inge nuh sin mwet sahyac uh
4. Ma kuht luhlahlfongi fal nuhke ma Bible uh fahk
Jeova el palye lah etwacack lasr ke ma pwacye luhn Bible ac fah kahlwemack liki na meet ah. Riti Daniel 12:4, BMK, ac tohkohyang sramsramkihn kihsen siyuck se inge:
-
Ma fuhkah ac “fah yohkwelihk” inmahsrlon mwet luhn God ke elos tahfwelah na in tuni ahkwoyac Bible uh?
Ahkuhtweyac lah fuhkah sie u luhn mwet lutlut Bible, suc sie selos pa Charles Russell, elos lutlutkihn Kahs luhn God. Liye VIDEO se, ac tohkohyang sramsramkihn kihsen siyuck se inge.
-
Charles Russell ac mwet lutlut Bible wiyacl inge elos lutlutkihn Bible uh fuhkah?
Yac kom etuh?
Kuhtuh pacl uh, kuht oruh mwe ahksuwohs nuhke ma kuht luhlahlfongi. Efuh? In oacna ke tahkwack luhn faht uh ma kais kuhtuh kahlmwelihk, God el sang pac etwacack ke Kahs lal uh kais kuhtuh. (Riti Soakas 4:18.) Pwacye lah Bible uh tiacna eklac. Tuhsruhktuh, kuht ahkfalye mwe luti lasr ke pacl ma etwacack lasr ke Bible uh kahlwem ac wo liki na meet ah.
5. Kuht moulkihn moul in fal nuhke inesr
Efuh kuht orekmakihn ine se inge Mwet Loh luhn Jeova? Liye VIDEO se, ac tohkohyang sramsramkihn kihsen siyuck se inge.
-
Efuh kuh fal in pahngonyuck kuht oacna Mwet Loh luhn Jeova?
Efuh kuh Jeova el sulaclah mwet uh tuh in mwet loh lal? Mweyen elos ac fahkwack lah Jeova pa God pwacye, ac ke srihpen oasr kahs kikiacp pucspucs ma ahkkahlwemyeyuck kacl. Liye luo sin kahs kikiacp inge.
Kuhtuh alu uh luti muh God el luhngse kuht in orekmakihn ma sruhloaclah in alu nuh sel. Riti Leviticus 26:1, ac tohkohyang sramsramkihn kihsen siyuck inge:
-
Meac fuhs se inge luti? Meac Jeova el puhla kuht fin orekmakihn ma sruhloaclah?
Kuhtuh sin mwet kol ke alu uh elos luti muh Jesus pa God. Riti John 20:17, ac tohkohyang sramsramkihn kihsen siyuck inge:
-
Meac fuhs se inge luti? Yac God ac Jesus elos oacna sie?
-
Meac kom puhla ke kom etwaclah ingena lah Jeova el suhpwaclah mwet loh lal in luti ma pwacye kacl ac ke Wen se nahtuhl?
6. Kuht luhngse sie sin sie
Bible uh luhmahlah mwet Christian nuhke lah nuhkewa ke monin mwet uh. Riti 1 Corinth 12:25, 26, ac tohkohyang sramsramkihn kihsen siyuck inge:
-
Meac mwet Christian pwacye uh ac fah oruh ke elos liye mwet lili wiyaclos sun mwe kweok?
-
Meac kom sifacna liye ke inkacnek ma Mwet Loh luhn Jeova uh ahkkahlwemye luhngse nuh sin sie sin sie?
Ke pacl ma oasr Mwet Loh luhn Jeova ke sie acn suc kweok, mwet lili wiyaclos suc muhta ke acn sahyac uh sa na in kahsrelos. In liye sie mwe srihkasrak, liye VIDEO se. Tohkohyang, sramsramkihn kihsen siyuck se inge.
-
Ke video, Mwet Loh luhn Jeova uh ahkkahlwemye fuhkah lah elos luhngse sie sin sie?
Mwet Christian pwacye uh ahkkahlwemye luhngse nuh selos suc yohk enenuh lalos
KUHTUH MWET UH FAHK: “Alu luhn Mwet Loh luhn Jeova uh alu sasuc se na”
-
Ngac me Jeova el muhtwacwacack in pahngon mwet suc alu nuh sel uh muh mwet loh?
MA KUHT LOTWELAH
Mwet Loh luhn Jeova uh mwet Christian pwacye. Kuht oacna sie sucu luhn mwet suc alu nuh sin Jeova ma oasr ke acn pucspucs. Ma kuht luhlahlfongi uh fal nuhke Bible ac kuht fahkwack ma pwacye kacl Jeova.
Kalweni
-
Efuh kuht orekmakihn ine se inge Mwet Loh luhn Jeova?
-
Kuht ahkkahlwemye fuhkah lah kuht luhngse sie sin sie?
-
Kom nuhnkuh muh Mwet Loh luhn Jeova uh elos mwet Christian pwacye?
LIYE PAC MA INGE
Lotwelah kuhtuh pac ma ke history lasr uh.
Jehovah’s Witnesses—Faith in Action, Part 1: Out of Darkness (1:00:53)
Liye sie mwe srihkasrak lah Mwet Loh luhn Jeova uh ahkkahlwemye fuhkah mwe luti kikiacp uh.
Liye top nuhke kihsen siyuck lom ke Mwet Loh luhn Jeova.
“Frequently Asked Questions About Jehovah’s Witnesses” (web page)
Stephen el koase sruf sahyac luhn mwet pwacnacng el orek lokoalok nuh selos. Konwacack lah meac el liye inmahsrlon Mwet Loh luhn Jeova ma pwacnacng moklel in ekuhllah ohiyacl.
“My Life Was Going From Bad to Worse” (The Watchtower, July 1, 2015)
a Muhtwacwacack in yac 1879, Mwet Loh luhn Jeova oraclah mwe rit se inge The Watchtower, in ahkuhtweyac ke ma pwacye ma Bible uh luti.
