Jesus pa Sifen congregation luhn mwet Christian. (Ephesus 5:23) Ke pacl inge, oacna sie tohkohsrah inkuhsrao, Jesus el kol mwet kuhlwacnsap lal fin facluh ke inkacnek luhn “mwet kuhlwacnsap oaru ac lahlmwetmwet.” (Riti Matthew 24:45.) Jesus sifacna pa srihsrngiyac “mwet kuhlwacnsap” se inge pwacnacng oasr kuh lalos in oraclah sulaclah. Ne ohinge, mwet kuhlwacnsap inge srackna enenuh in ahksol Christ ac in kuhlwacnsap nuh sin mwet lili wiyacn Christ. Suc mwet kuhlwacnsap inge? Elos karihngihn kuht fuhkah?

1. Suc “mwet kuhlwacnsap oaru ac lahlmwetmwet”?

Pacl nuhkewa Jeova el orekmakihn mwet se kuh u srihsrihk se in kol mwet lal uh. (Malachi 2:7; Hebrew 1:1) Tukun Jesus el misac, mwet sap ac mwet elder in Jerusalem srihsrngiyucki in kol mwet lal. (Orekma 15:2) Oacpacna ke pacl inge, oasr u srihsrihk se luhn mwet elder use mwe mongo in nguhn ac kol orekma in fahkwack pweng wo. Pahngohnyuck u se inge oacna Governing Body. U se inge pa “mwet kuhlwacnsap oaru ac lahlmwetmwet . . . suc leum lal [Jesus] el fihliyac in kol.” (Matthew 24:45a) Mwet nuhkewa suc wi ke Governing Body pa mwet Christian akmuhsralah, ac elos ac fah weluhl Christ ke Tohkohsrahi lal inkuhsrao, tukun elos misac.

2. Mongo fuhkah mwet kuhlwacnsap oaru use?

Jesus el fahk lah mwet kuhlwacnsap oaru inge ac fah “kihtaclos [mwet Christian wiyaclos] ke pacl fal uh.” (Matthew 24:45b) In oacna ke mongo pwacye ma kuht kang uh kahsre kuht in fokoko ac tiac mas, mwe mongo in nguhn​—masap kuh mwe luti ma tuhkuh ke Kahs luhn God​—acse nuh sesr kuh tuh kuht in sruokyac oaru lasr nuh sin Jeova ac in oruh orekma ma Jesus el sapkihn kuht in oruh. (1 Timothy 4:6) Kuht eis mongo in nguhn inge ke miting, assembly ac convention lasr, oacyacpac ke mwe rit ac video ma tuhkuh in Bible ma kahsre kuht in kahlwem ke ma luhngse luhn God, ac in ahkkweye fototo lasr nuh sel.

 AHKYOHKYE LUTLUT LOM

3. Mwet luhn Jeova uh enenuh in tuhkweni orekma

Ye kolyuck lal Jesus, Governing Body elos oraclah oakwuck wo ke orekma luhn Mwet Loh luhn Jeova. Ma inge orek pac nuh sin mwet Christian in pacl meet ah. Liye VIDEO se.

Riti 1 Corinth 14:33, 40, ac tohkohyang sramsramkihn kihsen siyuck se inge:

• Fuhs inge ahkkahlwemye fuhkah lah Jeova el luhngse mwet Loh lal in oasr oakwuck wo?

4. Mwet kuhlwacnsap oaru oraclah oakwuck wo ke orekma lasr in fahkwack pweng wo

Orekma in fahkwack pa orekma yohk srihpac se emeet luhn mwet Christian in pacl meet ah. Riti Orekma 8:14, 25, ac tohkohyang sramsramkihn kihsen siyuck inge:

• Suc kol ke orekma in fahkwack luhn mwet Christian in pacl meet ah?

• Meac Peter ac John elos oruh ke elos eis kahs in kolyuck luhn mwet sap wiyaclos?

Orekma in fahkwack pa orekma yohk srihpac se emeet ma oakwucki ac tahklac wo sin Governing Body. Liye VIDEO se.

 Jesus el ahkkahlwemye lah orekma in fahkwack arlacna yohk srihpac. Riti Mark 13:10, ac tohkohyang sramsramkihn kihsen siyuck inge:

• Efuh kuh orekma in fahkwack arlacna yohk srihpac nuh sin Governing Body?

• Efuh kuht enenuh na pwacye “mwet kuhlwacnsap oaru ac lahlmwetmwet” in tahkuhnlah orekma se inge fin facluh nohfohn?

5. Mwet kuhlwacnsap oaru use kahs in kolyuck

Governing Body elos sang kahs in kolyuck nuh sin mwet Christian fin facluh nohfohn. Elos oraclah fuhkah kahs in kolyuck inge? Liye lah fuhkah governing body luhn mwet Christian in pacl meet ah oruh ma inge. Riti Orekma 15:1, 2, ac tohkohyang sramsramkihn kihsen siyuck inge:

• Meac oruh kuhtuh sin mwet Christian in pacl meet ah tiac inseselac?

• Paul, Barnabas, ac kuhtuh pac mwet lili sahyac siyuck kahsruh sin suc in ahksuwohsye mwe elyah sacn?

Riti Orekma 15:12-18, 23-29, ac tohkohyang sramsramkihn kihsen siyuck se inge:

• Meet liki elos oraclah sie sulaclah, meac governing body in pacl meet ah oruh in etuh nuhnak luhn God ke mwe elyah se inge?​—Liye fuhs 12, 15, ac 28.

Riti Orekma 15:30, 31 ac 16:4, 5, ac tohkohyang sramsramkihn kihsen siyuck inge:

• Ohiyac fuhkah mwet Christian in pacl sacn ahkkahlwemye nuhke kahs in kolyuck luhn governing body kac?

• Jeova el ahkinsewowoye fuhkah ahkostwen lalos?

Riti 2 Timothy 3:16 ac James 1:5, ac tohkohyang sramsramkihn kihsen siyuck se inge:

• Governing Body eis kahsruh oyac ke pacl elos oraclah sulaclah lalos ke pacl inge?

 MA KUHT LOTWELAH

Governing Body pa “mwet kuhlwacnsap oaru ac lahlmwetmwet” suc srihsrngiyucki sin Christ. Elos sang kahs in kolyuck nuh sin mwet Christian fin facluh nohfohn.

Kalweni

• Suc srihsrngiyac “mwet kuhlwacnsap oaru ac lahlmwetmwet”?

• Governing Body elos karihngihn kuht fuhkah?

• Yac kom luhlahlfongi muh Governing Body pa “mwet kuhlwacnsap oaru ac lahlmwetmwet”?