MWE LUTLUT 55
Kahsruh Congregation Lom
Fin facluh nohfohn, million sin mwet ke congregation pucspucs engan in kuhlwacnsuhpuh Jeova. Elos srui ke kahs in kahsruh ac kahs in kolyuck ma elos eis, ac elos luhngse na pwacye in kahsruh congregation ke ohiyac pucspucs. Yac pa pacna inge ma kom puhla ke congregation lom?
1. Kom ac orekmakihn fuhkah pacl ac kuh lom in kahsruh congregation?
Kuht nuhkewa kuh in kahsruh congregation. Ke sie mwe srihkasrak, yac oasr mwet mahtuhoh kuh mas ke congregation lom? Yac kom kuh in kahsrel in wi ke miting? Kuh kom kuh in kahsrel ke kuhtuh ma sahyac, oacna in shopping kuh oruh orekma ke lohm? (Riti James 1:27.) Kuht kuh in kahsruh pac in ahknwacsnwacsye ac karihngihn Kingdom Hall lasr uh. Wacngihn kuhtwena mwet pahtok kuht in oruh ohinge. Tuhsruhktuh, ke srihpen kuht luhngse God ac mwet lili wiyacsr kuht ‘engan in sifacna eiskuhtyang’ in sang kahsruh.—Psalm 110:3.
Oasr pac ma sahyac suc mwet Loh suc bacptaislac uh kuh in kahsruh congregation kac. Mukul lili suc moulkihn moul fal nuhke oakwuck luhn Bible kuh in kuhlwacnsap oacna ministerial servant kuh mwet elder. Mukul lili ac muhtwacn lili kewana kuh in kahsruh orekma in fahkwack ac kuhlwacnsap oacna pioneer. Oasr kuhtuh mwet Loh suc sang kahsruh in muhsahi acn in toeni kuh som nuhke congregation ma oasr enenuh yohk we.
2. Kuht ac orekmakihn fuhkah mani ac ma sacohk lasr in kahsruh congregation uh?
Kuht kuh in ahkfuhlwactye Jeova ‘ke mwe sang lasr’ ac ma sacohk lasr. (Soakas 3:9) Kuht arlacna engan in sang mani ac ma sacohk sahyac lasr in kahsruh congregation ac orekma in fahkwack lasr fin facluh nohfohn. (Riti 2 Corinth 9:7.) Mwe sang lasr uh orekmakihnyuck pac ke pacl ma oasr ongaiyac sikyak. Puhs sin mwet lili “srelah kuhtuh mani” pacl nuhkewa oacna mwe sang lalos. (Riti 1 Corinth 16:2.) Kuht kuh in fihliyac mwe sang lasr ke pohk in kahsruh ma oasr ke lohm in toeni lasr kuh sang ke inkacnek luhn online ke donate.pr418.com. Jeova el acse nuh sesr pacl wowo in ahkkahlwemye lah kuht luhngse el, ke inkacnek wo kuht sulaclah in orekmakihn mani ac ma sacohk lasr sifacna.
AHKYOHKYE LUTLUT LOM
Nuhnkuh ke kuhtuh inkacnek ma kom kuh in oruh in kahsruh congregation lowos.
3. Kuht kuh in orekmakihn ma sacohk lasr
Jeova ac Jesus luhngse mwet suc insewowo in sang. Ke sie mwe srihkasrak, Jesus el ahksacohkye kwacfeacng luhn muhtwacn katinmas se in sang mwe sang lal finne el suhkahsruhp. Riti Luke 21:1-4, ac tohkohyang sramsramkihn kihsen siyuck inge:
-
Yac kuht enenuh in sang mani yohk tuh in ahkinsewowoye Jeova?
-
Meac Jeova ac Jesus puhla ke pacl kuht insewowo in sang mwe sang lasr uh?
In lotwelah lah ke inkacnek fuhkah mwe sang lasr inge orekmakihnyuck, liye VIDEO se. Tohkohyang sramsramkihn kihsen siyuck se inge.
-
Mwe sang uh orekmakihnyuck fuhkah in kahsruh congregation nuhkewa fin facluh nohfohn?
4. Kuht inse muhlahlah in kahsruh ke orekma
In pacl luhn Bible, mwet kuhlwacnsap luhn Jeova arlac moniyuck in karihngihn acn in alu lalos, ac elos tiac sang mani muhkwena. Riti 2 Chronicle 34:9-11, ac tohkohyang sramsramkihn kihsen siyuck se inge:
-
Kais sie mwet Israel kahsruh fuhkah in karihngihn lohm sin Jeova, kuh acn in alu lalos?
In liye lah fuhkah Mwet Loh luhn Jeova ukwe mwe srihkasrak se inge in Bible, liye VIDEO se. Tohkohyang sramsramkihn kihsen siyuck inge.
-
Efuh yohk srihpac in nwacsnwacs ac ahkwoyeyuck Kingdom Hall lasr pacl nuhkewa?
-
Meac kuhtuh inkacnek sahyac kom kuh in kahsruh orekma inge?
5. Mukul lili elos kuh in ahkwot in fal nuhke kunohkohn yohk srihpac
Ma Suhmuhslah uh ahkkweye mukul Christian in oruh ma elos kuh in oruh in kahsruh congregation. In liye sie mwe srihkasrak, liye VIDEO se. Tohkohyang sramsramkihn kihsen siyuck se inge.
-
Meac Ryan el oruh tuh elan kuh in kahsruh na pwacye congregation lal?
Bible uh ahkuhtweyac ma enenweyuck tuh sie brother el kuh in fal in kuhlwacnsap oacna ministerial servant kuh mwet elder. Riti 1 Timothy 3:1-13, ac tohkohyang sramsramkihn kihsen siyuck inge:
FIN OASR MWET SIYUCK: “Mwet Loh luhn Jeova uh eis oyac mani in kahsruh orekma lalos?”
-
Kom ac topuk fuhkah?
MA KUHT LOTWELAH
Jeova el ahksacohkye kwacfeacng lasr in kahsruh congregation ke kuht orekmakihn pacl, kuh, mani ac ma sacohk lasr.
Kalweni
-
Kuht ac orekmakihn fuhkah pacl lasr ac kuh lasr in kahsruh congregation?
-
Kuht ac orekmakihn fuhkah mani ac ma sacohk lasr in kahsruh congregation?
-
Ke inkacnek fuhkah kom luhngse in kahsruh congregation uh?
LIYE PAC MA INGE
Lotwelah lah efuh God el tilac sapkihn mwet kuhlwacnsap lal in sang sie tahfuh singucul.
Bible uh ahkkahlwemye lah mokul suc bacptaislac kuh in srihsrngiyucki in oruh kuhtuh kunohkohn. Tuhsruhktuh na fuhkah fin sie muhtwacn el enenuh in oruh kunohkohn inge?
“Understanding Headship in the Congregation” (The Watchtower, February 2021)
Ohsun ac etwaclah kuhtuh sin mwet Loh suc arlacna puhlaik, moniyuck in kihsackuhnlah moul lalos in us mwe rit nuh sin mwet lili wiyaclos.
Konwacack lah fuhkah orekma luhn Mwet Loh luhn Jeova uh kahsreyuck ke ip luhn mani, ac ma inge siena liki alu sahyac uh fuhkah.
“How Is the Work of Jehovah’s Witnesses Financed?” (Web article)
