KUHTUH PAC MWE AHKUHTWEYAC C
Ac Oruh Fuhkah Lutlut Bible Nuh Sin Mwet Orekmakihn Engankihn Moul Ma Pahtpaht!
Mukul lili elos sekalani in puhruhe ac nuhnkuh ahkwoyac lah mwe lutlut fuhkah ac weacng nuhke puk se inge Engankihn Moul Ma Pahtpaht! Tuh in orekmakihn wo mwe rit se inge, ukwe inkacnek inge ke pacl in oruh lutlut Bible nuh sin mwet uh.
Meet liki lutlut
-
1. Ahkolah ahkwoyac. Ke kom ahkolah, nuhnkuh ke mwe enenuh, ma sikyak, ac luhlahlfongi luhn mwet lutlut lom. Liye lah mwe lutlut fuhkah ac upac nuh sel in kahlwem kac, kuh in orekmakihn ke moul lal. Nuhnkuh lah section se inge “Liye Pac Ma Inge” kuh in kahsrel fuhkah, ac elan ahkolah in orekmakihn ma inge ke pacl in lutlut lowos fin enenweyuck.
Ke pacl in lutlut
-
2. Ikacslah ac ahksahfye ke puhruhe lutlut lomtacl an, fin mwet lutlut sacn el insese.
-
3. Nimet sramsram puhslac. Orekmakihn na mwe lutlut sacn, ac lwelah mwet lutlut an in ahkkahlwemye nuhnak lal sifacna.
-
4. Pacl se ma sroacng nuhke sie section sasuc ke puk an, riti acn se inge Mwe Lutlut Yohk ac ahkkahlwemye kuhtuh sifen mwe lutlut kac an.
-
5. Ke ahksahfyeyucklac section sac, orekmakihn kalweni ke section sacn in kahsruh mwet lutlut lom an in esam ke ma pwacye ma el lotwelah uh.
-
6. Ke kom lutlutkihn kais sie mwe lutlut yurin mwet lutlut lom:
-
Riti paragraph ma oasr ke ip se meet an.
-
Riti ma suhmuhslah nuhkewa ma mahkiyucki “Riti.”
-
Riti ma suhmuhslah sahyac ke paragraph an fin enenweyuck.
-
Sritaclkihn video nuhkewa ma mahkiyucki “Liye” (fin oasr inkacnek in sritaclkihn).
-
Siyuck kais sie kihsen siyuck sin mwet lutlut sac.
-
Fahk nuh sin mwet lutlut lom an in liye petsac ke section se inge “Ahkyohkye Lutlut Lom” ac siyuck sel in sang comment lal nuh kac.
-
Orekmakihn pohk se inge “Srihke in Oruh Ma Inge” in kahsruh mwet lutlut lom in liye kapkapwack lal. Kom kuh in ahkkweyacl in orekmakihn mwe srihkasrak ma oasr ke pohk se inge, oakiyac ma sahyac ma el kuh in srihke in oruh, kuh kewana.
-
Siyuck sin mwet lutlut lom an lah el engankihn sie sin mwe lutlut kuh video ke section se inge “Liye Pac Ma Inge” ke pacl se el ahkolah nuhke mwe lutlut sacn.
-
Srihke in ahksahfyelah kais sie mwe lutlut ke pacl sefanna.
-
Tukun lutlut
-
7. Tahfwelah in nuhnkuh ke mwet lutlut lom an. Puhruhe nuh sin Jeova in kahsrel in kapkapwack ac in sot etwacack nuh sum tuh kom in etuh lah kom ac kahsrel fuhkah.
