MUHTWACWACACK SIE MWE SRAMSRAM
MWE LUTLUT 4
Inse Puhsisacl
Oakwuck Wowo: “Kowos in puhsisacl nuh sin sie sin sie, ac kowos in tiac nuhnkuh muh kowos wo liki mwet ngiac.”—Php. 2:3.
Meac Paul El Oruh
1. Liye VIDEO se, kuh riti Orekma 26:2, 3. Tohkohyang nuhnkuh ke kihsen siyuck inge:
-
Paul el ahkkahlwemye fuhkah inse puhsisacl ke el sramsram nuh sel Tohkohsrah Agrippa?
-
Paul el oruh fuhkah tuh elan sramsramkihn yohk ma kacl Jeova ac ke ma Suhmuhslah, ac tiac in ahkfuhlwactyacl sifacna?—Liye Orekma 26:22.
Meac Kuht Kuh In Lotwelah Kacl Paul?
2. Pweng lasr uh kuh in pihrihk insiacn mwet ke kuht sramsram nuh selos ke inse puhsisacl ac suhnakuhnuhlos.
Etahel Paul
3. Ahkkahlwemye suhnak ke kuht sramsram. Fahsr liki in oruh muh kom etuh ma nuhkewa ac mwet se sahyac wacngihn kuhtwena ma el etuh. Sramsram nuh sel ke inkacnek ma kom ahkkahlwemye suhnak nuh sel.
4. Oruh in kahlwem lah ma pwacye kom luti uh ma tuhkuh in Bible. Kahs luhn God kuh in sun insiacn mwet uh. Kuht fin orekmakihn ma inge, kuht muhsahi luhlahlfongi lalos fin pweluhng ma wo ac fokoko.
5. Sramsram fihsracsr. Nimet tahfwelah na in srihke muh kom suwohs. Kuht tiac luhngse in akuhkuhin. Ahkkahlwemye inse puhsisacl ke kom sramsram fihsracsr ac etuh lah ngac kom in som liki mwet sacn. (Soa. 17:14; Titus 3:2) Ke kom kahs fihsracsr, sahp mwet sacn ac fah lohng ke pweng lasr uh ke pacl sahyac an.
