1. Luhngse luhn God Oan Ma Pahtpaht
1 GOD EL LUHNGSE KOM
“Liyekowosyang sifacna in muhtana in luhngse luhn God . . . in acsot moul ma pahtpaht nuh suwos.”—Jude 21
Meac oruh kom in luhlahlfongi lah God el luhngse kom?
-
John 3:16; 1 John 4:8-10; Fwackyuk 4:11
Jeova el oraclah ma nuhkewa fin facluh tuh kuht in kuh in engankihn moul. Tukun Adam ac Eve oruh ma kuluk, oakwuck luhn God tiacna eklac. El sang Wen nahtuhl oacna sie mwe molwelah, tuh in oasr pacl wowo luhn mwet nuhkewa in moul ma pahtpaht.
-
In kahsre kuht ke moul lasr uh finne ke pacl inge, Jeova el use nuh sesr Bible, nguhn muhtahl lal, ac mwe sang ke puhruhe. El lohng kuht ke pacl kuht puhruhe nuh sel uh.
2 IN AHKOS JEOVA PACL NUHKEWA USE MA WO NUH SESR
“Nga LEUM GOD lowos, suc luhngse luti kowos ke ma ac wo nu suwos sifacna.”—Isaiah 48:17
Ma wo fuhkah kom kuh in eis ke kom ahkos Jeova?
-
Jeova el liye kwacfeacng lasr in ahksol. Ahkostwen lasr uh kuh in ahkwoyelah moul lasr ke pacl inge, ac ma inge kuh in oruh tuh in oasr sie pacl wo fahsruh nuh sesr.
3 KOM KUH IN AHKKAHLWEMYE NUH SIN JEOVA LAH KOM LUHNGSE EL
“Kuht ahkkahlwemye luhngse lasr nuh sin God ke kuht ahkos ma sap lal.”—1 John 5:3
Yac kuht kuh in ahkos God?
-
Deuteronomy 30:11; Psalm 103:14
Jeova el etuh lah kuht mwet sesuwohs. El tiac siyuck sesr in oruh kuhtwena ma ma kuht tiac kuh in oruh.
-
Luhngse lasr nuh sin Jeova uh use nuh sesr kuh in ahksol finne upac in oruh ma inge.
-
Kahs in kahsruh in Bible uh luti nuh sesr ke nuhnak luhn God. Ma inge ahkyohkye luhngse lasr nuh sin Jeova ac kahsre kuht in nuhnak oacna El. Ma inge oacyacpac kahsre kuht in etuh lah meac kuht ac oruh finne tiac sihmlac kahlwem in Bible masap nuhke sie ma.
