“Nga fah luti kom inkacnek kom in fahsr kac.”​—Psalm 32:8

Meac kuht enenuh in nuhnkuh yohk kac kuht fin luhngse in pahyuck?

• 1 Corinth 7:39; 2 Corinth 6:14

  Sie inkacnek wo ac lahlmwetmwet pa in pahyuck muhkwena nuh sin sie mwet suc lohacng yohk nuhke kuhlwacnsap lal nuh sin Jeova ke moul lal uh.

• 1 Corinth 7:36, NW

  Arlacna wo in soano nuhke pacl se ma ahluhkwelah tari kena yohk lasr nuhke ma luhn ikoac meet liki kuht pahyuckyak.

• 1 Corinth 7:28

  Kuht enenuh in nuhkuh ke ma ac kuh in sikyak na pwacye ke moul in pahyuck uh. Oasr ma upac ke moul in pahyuck nuhkewa.

“Tiac wo mukul se inge in muhkwena muhta. Nga ac oruh sie mwet in weluhlacng in kahsrel.”​—Genesis 2:18

Orekma fuhkah Jeova el luhngse sie mukul pahyuck ac muhtwacn pahyuck in oruh?

• Ephesus 5:23; 1 Timothy 3:1-7; 5:8

  Sie mukul pahyuck el kol lutlut luhn sucu ke Bible ac lohacng nuhke mwe enenuh luhn muhtwacn kiyacl ac tuhlihk nahtuhl uh ke ma luhn ikoac ac ke puhlakihn lalos uh. El kol in luti ac ahksuwohsye tuhlihk nahtuhl uh.

• Soakas 31:10-31; Rome 7:2

  Sie muhtwacn pahyuck el kawuck ac partner na wowo se nuh sin mukul tuhmwacl uh. El sang kahsruh nuhke sulaclah lal ac karihngihn sucu lal uh. El kahsruh mukul tuhmwacl uh in luti tuhlihk nahtuhlos uh.

• Ephesus 5:33; Philippi 2:4

  Kewana mukul ac muhtwacn pahyuck uh enenuh in nuhnkuh yohk ke insewowo luhn kais sie selos liki na ke insewowo lalos sifacna.

“Eltahl ma sefannalac.”​—Genesis 2:24

Pahyuck lasr uh kuh in oan nwe tok fuhkah?

• Soakas 3:5, 6; Matthew 19:6

  Jeova el luhngse pahyuck uh in oan nwe tok. El use nuh sesr kahs in kahsruh ma wo emeet ke pahyuck uh.

• Psalm 130:3; Colossae 3:13

  Siacnyacn se enenuh in mongfihsracsr ke mwe muhnahs luhn kais sie selos. Elos enenuh in nuhnak muhnahs nuh sin sie sin sie ac liye ma wo ma oasr yohrohlos uh.