12. Kahskahskihn Ma Wo “Ma Ac Muhsaheak”
1 KUH LASR IN SRAMSRAM SIE MWE SANG SIN GOD
“Mwe kihte wo ac fal nuhkewa, tuhkuh lucng me.”—James 1:17
Kuht kuh in ahkkahlwemye fuhkah srui lasr nuhke mwe sang se inge?
-
Oasr kuh luhn Kahs uh. Kuht enenuh in nuhnkwaclah ahkwoyac ke ma kuht ac fahk ac fahkyac an.
-
Soakas 16:24; Isaiah 57:15; 1 Thessalonica 5:11
Orekmakihn mwe sang lom in kahskahs ke inkacnek ma Jeova el luhngse kom in orekmakihn nuh kac. Orekmakihn kahs ma ac ahkwoye, ahkkweye, luti, mokle ac kahsruh mwet sahyac uh.
-
Soakas 12:18; 15:23; Matthew 7:12
Fahk kahs ma tiac fal ke pacl ma tiac fal kuh in kol nuhke akuhkuhin ac mwe ahkngal.
2 SRAMSRAM KE SIE INKACNEK MA AHKINSEWOWOYE GOD
“Lwelah kahs lowos in kuhlwacng pacl e nuhkewa.”—Colossae 4:6, BMK
Meac ohiyen sramsram lasr uh kuh in oruh nuh sin sucu ac mwet kawuck lasr uh?
-
Mwet nuhkewa enenuh in puhla luhngse ac srui, yohkna in tuhkuh sin mwet in sucu lalos uh.
-
Soakas 6:16-19; 26:20; Colossae 3:8, 21; 1 Thessalonica 4:11
Kahs upac kuh kahs kuluk ac kahs in suhfan pacl nuhkewa mwe ahkkuluk na pwacye. Kahs kikiacp uh kuh in ahkkulukye ohiyen sie mwet ac kuhnahoslah mislac.
-
Soakas 15:1, 2; Philippi 2:3, 4; James 1:19
Oruh in kahlwem ke sramsram lom an lah, kom nuhnkuh ke mwet sahyac uh yohk liki kom sifacna. Lohng ahkwoyac.
3 KAHS IN KAHSRUH UH ENENUH IN OREK KE INKACNEK LUHN LUHNGSE
“Porongo kahs in kahsruh ac eis mwe kai, tuh kom in lahlmwetmwet ke pacl fahsruh uh.”—Soakas 19:20
Kuht ac sang kahs in kai wo fuhkah?
-
Psalm 34:18; Matthew 10:29-31; 2 Timothy 3:16
Kahs in kai uh enenuh in fal nuhke Bible ac ahkkahlwemyeyuck ke inkacnek kuhlwacng.
-
Soakas 12:25; 1 Thessalonica 5:14; James 3:2-4
Orekmakihn mwe sang lom in kahskahs in ahkkweye mwet sahyac uh.
