13. Yac Mwe Ahkfuhlwact Nuhkewa Ahkinsewowoye God?
1 MA NUHKEWA KUHT ORUH UH ENENUH IN AHKFUHLWACTYE JEOVA
“Kowos fin mongo kuh nihm, kuh kuhtwena ma kowos oruh, oruh ma nuhkewa nuhke wolacna luhn God.”—1 Corinth 10:31
Kuht ac oruh fuhkah sulaclah wo nuhke mwe ahkfuhlwact uh?
-
Soakas 15:15; Ecclesiastes 3:12, 13; Orekma 20:35; 2 Corinth 9:7
Jeova el luhngse kuht in engankihn moul. El luhngse kuht in kuhlwacng ac insewowo in sang lwen nuhkewa, ac tiac ke pacl yohk srihpac muhkwena.
-
Tiac fihsracsr pacl nuhkewa in etuh lah meac kuht enenuh in oruh. Mweyen, Satan el srihke in kiacpwekuhtlac ke el ahkfohsye kuht ke ma wo ac ma kuluk.
-
Lotwelah ke muhtwacwacack luhn mwe ahkfuhlwact pwengpweng inge in liye lah ma inge ahkinsewowoye Jeova.
2 PUHS MWE AHKFUHLWACT PWENGPWENG MA TUHKUH KE FACSIN LUHN MWET PAGAN
“Kowos fah etuh ma pwacye, ac ma pwacye fah ahksukohsohkye kowos.”—John 8:32
Kuhtuh mwe ahkfuhlwact inge tuhkuh yac me?
-
2 Corinth 6:14-18; 2 John 6, 7
Tukun mwet sap ah misac, mwet luti kikiacp inge use ac oruh facsin, ac mwe ahkfuhlwact luhn mwet pagan nuhke congregation uh, ac elos sang ine Christian nuh kac. Mwe ahkfuhlwact pucspucs inge srackna ahkfuhlwactyeyuck na nwe ke pacl inge, oacna Easter ac Halloween.
-
Ke acn pucspucs fin facluh, Christmas uh ahkfuhlwactyeyuck ke December 25. Tuhsruhktuh, tiac pa inge lwen se ma Jesus el isuslac ah.
-
Genesis 40:20-22; Mark 6:21-29
Mwet Christian in pacl meet ah tiac ahkfuhlwactye lwen in isuslac uh. Bible uh sramsramkihn isuslac luhn mwet uh ke sie inkacnek ma tiac wo.
3 ORUH SULACLAH WO KE MWE AHKFULWACT PUCSPUCS
“Kowos in suk in etuh ma ac ahkinsewowoye Leum.”—Ephesus 5:10
Mwe ahkfuhlwact fuhkah ma mwet Christian uh enenuh in fahsr liki? Ke pacl in oruh sulaclah nuhke sie mwe ahkfuhlwact, siyuck sum sifacna:
-
Isaiah 52:11; 1 Corinth 4:6; 2 Corinth 6:14-18; Fwackyuk 18:4
Yac mwe ahkfuhlwact se inge muhtwacwacack oacna ipin pacna alu kikiacp, kuh finne nuhke orekma luhn inutnut?
-
Jeremiah 17:5-7; Orekma 10:25, 26; 1 John 5:21
Yac mwe ahkfuhlwact se inge sang kaksak nuh sin mwet, sie u, kuh akucl luhn sie muhtuhnfacl?
-
Yac mwe ahkfuhlwact se inge ahkkahlwemye lah sie sruf kuh muhtuhnfacl wo liki muhtuhnfacl sahyac uh?
-
Psalm 97:10; 1 Corinth 2:12; Ephesus 2:2; 1 Peter 4:3
Yac mwe ahkfuhlwact se inge ahkkahlwemye “nguhn luhn facluh,” sahp ke inkacnek in ahkkweye mwet uh in sruhi kuh oruh orekma in kosro?
-
Nga fin wi ke mwe ahkfuhlwact se inge, yac ma inge kuh in ahkkulukye nuhnak ac puhlakihn luhn mwet sahyac uh?
-
Rome 12:1, 2; Colossae 4:6; 1 Peter 3:15
Nga fin sulaclah in tiac wi ke mwe ahkfuhlwact se inge, nga ac ahkuhtweyac fuhkah srihpac luhk uh nuh sin mwet sahyac uh?
