“Wacngihn ip luhk yurin mwet wosounkahs.”​—Psalm 26:4

Efuh kuh ohiyen pwacye ac suwohs yohk srihpac ke sucu uh?

• Soakas 6:16-19

  Pwacye ac suwohs luhn sucu se muhsaheack luhlahlfongi. Mwet in sucu se enenuh in pwacye ac suwohs nuh sin sie sin sie, finne ma inge upac.

• Soakas 22:6; Ephesus 6:4

  Ke pacl se tuhlihk uh liye lah pahpah ac ninac kiyaclos uh ahkkahlwemye ohiyen pwacye ac suwohs, arlacna fihsracsr nuh selos in pwacye ac suwohs pac.

“LEUM GOD El sruhnga mwet orekma kuluk, a El insracelak nuh sin mwet suwohswohs.”​—Soakas 3:32

Efuh yohk srihpac in pwacye ac suwohs nuh sin mukul ac muhtwacn lili wiyacsr ke congregation uh?

• Soakas 10:19; Colossae 4:6

  Kuht luhngse in kahskahskihn ma pwacye pacl nuhkewa, tuhsruhktuh kahs lasr uh enenuh in kuhlwacng ac mwe insewowo in lohng.

• Leviticus 5:1; Hebrew 13:17; James 5:14, 15

  Ke kuht pwacye ac suwohs nuh sin mwet elder ke congregation uh, elos kuh in kahsre kuht.

• Jeremiah 32:9-12; Ephesus 6:5-8

  Kuht fin orek business yurin mwet lili mukul ac muhtwacn wiyacsr, kuht enenuh in pwacye ac suwohs ke inkacnek nuhkewa, ahkkahlwemye ohiyac wo ac fal nuh selos, ac sruokyac na wuhlelah lasr uh.

“Wo in sulaclah sie e wo liki mwe kahsruhp pucspucs.”​—Soakas 22:1, BMK

Meac kuhtuh ohiyac sahyac ma kuht enenuh in ahkkahlwemye pwacye ac suwohs kac uh?

• Psalm 37:21; Matthew 22:17-21; Rome 13:1-7; Ephesus 4:25, 28

  Kuht enenuh in pwacye ac suwohs nuh sin mwet suc kuht orekma la uh, ke kuht oruh business lasr, ke pacl in ituck exam, ac ke pacl in nwacna pwepuh, oacna ke pacl in moul tax, kuh kuhtwena pwepuh sahyac luhn government.

Efuh kuh ohiyen pwacye ac suwohs wo liki mwe kahsruhp?

• Psalm 15:1, 2; Soakas 11:1; 1 Timothy 6:9, 10

  Sie mwet suc etweyuck muh el pwacye ac suwohs, arlac yohk srihpacl. Ohiyen pwacye ac suwohs kahsre kuht in oasr sie nuhnak ac puhlakihn wo yohrohsr. Jeova el ahksacohkye kwacfeacng nuhkewa lasr in pwacye ac suwohs.