15. Engankihn Orekma Lom
1 JEOVA EL ORACLAH MWET UH IN OASR KENA LALOS IN OREKMA
“Kuht nuhkewa enenuh in mongo ac nihm ac engankihn ma kuht orekma nuh kac. Ma inge mwe kihte luhn God.”—Ecclesiastes 3:13
Efuh kuh orekma uh sie mwe sang sin God me?
-
Genesis 1:1, 31; Ecclesiastes 2:24; John 5:17
Jeova el alken ac tahfwelah na in orekma. El engan ke ma el oruh, ac el luhngse kuht in puhla pac insewowo ke ma kuht oruh uh.
-
Soakas 8:22-31; Colossae 1:15-17
Jesus el oacyacpac sie mwet suc alken ke orekma, kewana inkuhsrao ac fin facluh.
-
Mark 6:3; Luke 21:37, 38; John 4:31-38; 17:4
Jesus el arlacna utuftuf ke orekma uh, ac el ahksahfyelah kunohkohn lal finne tiac fihsracsr in oruh ma inge.
2 KUHT KUH IN AHKWOYE OHIYACSR KE OREKMA LASR UH
“Kom fin konwacack sie mwet pah ac wo ke orekma, el ac fal in orekma nuh sin tohkohsrah.”—Soakas 22:29
Meac ac kahsre kuht in engankihn orekma lasr uh?
-
Soakas 12:24; Colossae 3:22-24; Hebrew 13:18
Kuht finne tiac kuh in ekuhllah orekma lasr uh, tuhsruhktuh kuht kuh in ahkwoye ohiyacsr. Kuht oacyacpac luhngse in pwacye ac suwohs, ac alken in orekma.
-
Soakas 27:11; 1 Timothy 5:8; 1 Peter 2:12
Ke kom karihngihn mwe enenuh luhn sucu lom an, kom ahkos God. Ac ohiyac wowo lom ke acn in orekma lom an ahkfuhlwactye Jeova.
-
Exodus 20:13-15; Soakas 2:6; Rome 14:19-22; Ephesus 5:28–6:4; 1 John 5:3; Fwackyuk 18:4
Bible uh kahsre kuht in kahlwem kac lah meac orekma ma kuht eis uh kuh in oruh nuh sesr sifacna, nuh sin sucu lasr, mwet lili sahyac, ac yohk na nuh sin Jeova.
3 IN OAKIYAC MA YOHK SRIHPAC EMEET KUH IN KAHSRE KUHT IN ENGANKIHN OREKMA LASR
“Kowos fah kuh in akihlen ma suc arulacna wo.”—Philippi 1:10
Ma fuhkah pa yohk srihpac emeet nuh sesr uh?
-
Psalm 37:25; Soakas 3:5, 6; 1 Peter 5:7
Luhlahlfongi lah Jeova el etuh ma kom enenuh ke kais sie lwen.
-
Matthew 6:25-32; 1 Timothy 6:8-10; Hebrew 13:5
Lotwelah in falkihn ma ma oasr tari yurum.
-
Soakas 10:22; Matthew 6:33; 28:19, 20; Hebrew 10:24, 25
Lohacng na in kuhlwacnsuhpuh Jeova ac in luti ke pweng wo uh. Pa inge orekma se ma yohk srihpac emeet ma kuht kuh in oruh uh.
