“Wacngihn ma kuhtasrihk oacna nuhnak luhn mwet. Sie ma suc tiac kuh in ahkkweyeyucklac.”​—Jeremiah 17:9

Meac Jeova el use nuh sesr in kahsre kuht in ahkpahye nuhnak ac puhlakihn lasr uh?

• Rome 9:1; 1 Corinth 4:4

  Nuhnak ac puhlakihn lasr uh kuh in tahfonglac. Ma inge enenuh mwe kolyuck luhn nguhn muhtahl, ac tiac ma kuht nuhnkuh ac puhla muhkwena.

• Hebrew 5:14; 1 Peter 3:16

  In Bible, kuht lotwelah nuhnak luhn Jeova ma kahsre kuht in etuh inmahsrlon ma wo ac ma kuluk, ac kahsre kuht in ahkpahye nuhnak ac puhlakihn lasr uh.

“Wacngihn sie mwet in suk ma ac wo nuh sel sifacna, a elan suk ma ac wo nuh sin mwet ngiac.”​—1 Corinth 10:23, 24

Kuht ac ahkkahlwemye fuhkah suhnak nuhke nuhnak ac puhlakihn luhn mwet sahyac uh?

• Rome 15:1, 3

  Nuhnak ac puhlakihn luhn kais sie mwet tiac orekma ke inkacnek sefanna. Nuhnak ac puhlakihn lom uh sahp, lwelah kom in oruh sie ma ma mwet sahyac uh tiac kuh in oruh.

• 1 Corinth 10:31-33

  Mwet sap Paul el nuhnkuh yohk ke mukul lili ac muhtwacn lili wiyacl uh luhkwel sifacna. Puhlakihn lalos uh yohk srihpac nuh sel liki na ke ma ma el luhngse in oruh uh.

• Rome 14:10, 19

  Jeova el acse nuh sesr nuhnak ac puhlakihn in nuhnuhnke kuht sifacna, ac tiac nuhnuhnkuh mwet sahyac uh. Kuht enenuh in arlacna taran in tiac fahk muh kuht pa pwacye uh ac mwet sahyac uh pa suhtuhuh.

“Pa inge ma ac ahkpuhlaikye insiacsr ke kuht ac fah tu ye muhtuhn God, . . . el fuhlwact liki nuhnak luhn insiacsr, ac el etuh ma nuhkewa.”​—1 John 3:19, 20

Efuh kuht enenuh in tiac fuhlweack fin nuhnak lasr uh ahkkulukyeyuck pacl nuhkewa ke sie ma ma sikyak ke pacl somlah ah?

• Psalm 86:5; 1 Corinth 6:11

  Nuhnak lasr ma ahkkulukyeyucklac ke sie ma ma sikyak ke pacl somlah ah kuh in sie mwe ahkngal ac ma inge kuh in pwacnacng kuht in puhla muh, wacngihn srihpacsr kuht finne auliyak tari tukun yac pucspucs. Tuhsruhktuh, kuht tiac kuh in ekuhllah ma ma sikyak tari in pacl meet ah. Jeova el nuhnak muhnahs nuh sesr, ac ma kuluk nuhkewa inge iyucklac tari. Kuht kuh in nwacsnwacs ye muhtahl.

• Galatia 6:2; 1 Peter 2:16

  “Masap luhn Christ” uh fal nuhke kahs in kahsruh in Bible, ac tiac ke masap uh. Finne wacngihn masap ma oreklac nuhke sie ma, sie mwet Christian el tiac suk inkacnek in oruh ma kuluk.