“El insracelak nuh sin mwet suwohswohs.”​—Soakas 3:32

Kuht ac sulaclah fuhkah kawuck lasr uh ke inkacnek lahlmwetmwet?

• Rome 1:11, 12; 2 Corinth 6:13; 1 Peter 2:17

  Kawuck lasr uh kuh in mwet ke acn sahyac kuh facsin sahyac. Ma yohk srihpac an pa, kawuck lasr uh in luhngse Jeova.

• Ruth 1:14, 16; 1 Samuel 18:1; Philippi 2:20-22

  Oasr in Bible mwe srihkasrak pucspucs ke kawuck wowo inge.

“Sie mwet kawuck el luhngse pacl e nuhkewa; ac sie mwet lili el isuslac tuh elan mwet kahsruh in pacl in ongaiyac.”​—Soakas 17:17, BMK

Meac kuht kuh in oruh fin oasr tiac insese inmahsrlosr ac sie mwet kawuck lasr?

• Psalm 133:1; Matthew 6:14, 15; Rome 14:19

  Suk meet in orek mislac ac sruokyacna inse sefanna.

• Soakas 17:9; Colossae 3:13; 1 Peter 4:8

  Luhngse uh ac tulokihnkuhti in tiac ahkyohkye ma upac srihsrihk nuhke sie ma upac luhlahp. Ma inge ac kahsre kuht in nuhnak muhnahs ac oaru.

• Psalm 141:5; Soakas 27:6

  Esam lah sie kawuck pwacye el ac tiac sahngweng in fahk nuh sum ma pwacye keim.

• Soakas 12:18; 18:24; 1 John 3:16-18

  Sruokyacna fototo lom nuh sin kawuck lom an ke kom sifacna ahkkahlwemye lah kom sie mwet kawuck wo.

‘Ke pacl ma kaiyuck kuht uh, kuht ac liye oacna in mwe ahksuhpwacrye kuht ke pacl sac, ac tiac ma in ahkenganye kuht, tuhsruhktuh tok, . . . kuht kosracni . . . sie moul suwohs.’​—Hebrew 12:11

Meac kuht enenuh in oruh fin kawuck se lasr sulaclah in pihlesruh Jeova?

• 1 Corinth 5:11-13; 2 John 9-11

  Fin sie kawuck el sulaclah in tahfwelah na in oruh ma kuluk ac sruhnga in eis kahsruh, el ahkkahlwemye lah el tilac luhngse in wi ke congregation.

• 1 Peter 1:15, 16

  Oakwuck in sisilac ahkkahlwemye luhngse nuh sin Jeova, ke inel ac ke oakwuck lal uh.