“Nga sikuckmuhtuhnte ye muhtuhn Pahpah, suc acsang ine na pwacye luhn sucu.”​—Ephesus 3:14, 15

Efuh Jeova el luhngse kuht in ahkkahlwemye suhnak nuhke oakwuck ke sucu?

• Soakas 10:1

  Jeova el oraclah sucu uh in sang sie acn ma wacngihn mwe sensen ma tuhlihk uh kuh in kapkapwack we ac kais sie mwet ke sucu sacn kuh in engankihn fototo wowo inmahsrlolos.

• Soakas 1:8; 1 Corinth 11:3; Ephesus 6:1-3; 1 Peter 3:1

  Sucu uh eis ma wo ke pacl kais sie mwet kac uh ahkkahlwemye suhnak nuhke kunohkohn luhn kais sie mwet ke sucu sacn.

“Christ el sifen church.”​—Ephesus 5:23

Efuh kuht enenuh in ahkos ac akacsruhi nuhke oakwuck nuhkewa ke congregation uh?

• Matthew 24:45-47

  Jesus el orekmakihn “mwet kuhlwacnsap oaru ac lahlmwetmwet” in karihngihn mwet luhn God fin facluh.

• 1 Thessalonica 5:12; Hebrew 13:17

  Mwet elder ac mukul lili suc kahsruh mwet elder inge elos kahsruh mwet ke congregation uh in kuh ke luhlahlfongi lalos pacl nuhkewa. Kuht ahkkahlwemye suhnak nuhke kuh luhn Jeova ke kuht ahkos mukul lili inge.

• Orekma 20:28

  Mwet nuhkewa eis ma wo kac ke kuht sang kahsruh nuhke congregation uh. Pa inge oakwuck luhn Jeova ke alu uh.

“God muhkwena pa sang kuh nuh sin mwet inge, ac wal fuhlwact inge ma oakwuck sin God.”​—Rome 13:1

Kuht ac ahkkahlwemye fuhkah suhnak nuhke government uh?

• Matthew 5:16; 1 Peter 3:15

  Kuht ahkkahlwemye suhnak ke ma kuht fahk ac oruh. Ma inge sang wolacna nuh sin Jeova.

• Orekma 26:2, 25; Rome 12:17, 18

  Mwet Christian uh ahkos masap luhn muhtuhnfacl ma elos muhta we uh. Elos sruokyac na suhnak lalos finne elos tiac wo nuh selos.

• Rome 13:1-4

  Kahs in kahsruh in Bible uh kuh in kahsre kom in ahkos mwet suc ituckyang kuh nuh se uh.

• Matthew 22:37-39; 26:52; John 18:36; Orekma 5:27-29; Hebrew 10:24, 25

  Fin mwet ke government siyuck sum in oruh sie ma ma lain masap luhn Jeova, kom enenuh in sulaclah lah suc kom ac ahkos uh.