“In oacna ke nga tiac ma luhn facluh, elos tiac pac ma luhn facluh.”​—John 17:16

Efuh kuht enenuh in srikuhtlac liki facl se lal Satan inge?

• 1 John 5:19

  “Facluh” kalmackihn nuh sin mwet suc tiac etuh God ac suc kihfucsyucklac sin mwet kol luhn facl se inge, Satan.

• James 4:4

  Kuht luhngse Jeova elan liye kuht oacna kawuck lal. Kuht etahi Jeova ac Jesus ke ohiyac, sramsram, ac orekma lasr uh.

“Arulacna karuhnguhnwacng nuhnak lom [“insiom,” BMK] an.”​—Soakas 4:23

Meac kalmac in lain ohiyac luhn mwet ke facl se lal Satan inge?

• Ephesus 2:2; 1 John 2:16

  Satan el nuhnkuh kacl sifacna, inse fuhlwact, ac seahkos. El luhngse mwet uh in luhlahlfongi muh eltahl tiac enenuh in ahkos God.

• 1 Corinth 10:31

  Kuht ahkkahlwemye lah kuht tiac ma luhn facluh ke ma kuht fahk ac oruh. Kuht ahkkahlwemye ma inge finne nuhke ma kuht oruh ke moul lasr sifacna.

• 1 Corinth 2:12; 1 John 4:4

  In lain ohiyac luhn mwet ke facl se lal Satan inge, kuht enenuh in fototo nuh yurin Jeova ac etahi nuhnak lal uh.

“Moul na pwacye luhn sie mwet tiac ma ke ma suc oasr lal, el finne arulacna kahsruhp.”​—Luke 12:15

Meac ac kuh in kahsre kuht in oasr yohrohsr nuhnak luhn Jeova ke mwe kahsruhp luhn facluh?

• Orekma 20:35; 1 Timothy 6:9, 10

  Satan el luhngse kuht in luhlahlfongi muh, mwe ahkengan ac mwe kahsruhp uh ac kuh in oruh kuht in engan. Tuhsruhktuh, Jesus el luti kuht lah insewowo uh tuhkuh ke fototo wowo yurin God, ac ke orekma in sang nuh sin mwet sahyac uh.

• Matthew 6:31, 32; Mark 12:30, 31; Luke 21:34-36

  Ke kuht lohacng na in kuhlwacnsuhpuh Jeova, moul lasr uh ac oasr srihpac. Kuht kuh in engan ac puhla inse mislac ke moul lasr uh.