“Kowos in suk ma Leum el luhngse kowos in oruh.”​—Ephesus 5:17

Kahs in kahsruh fuhkah in Bible ma kuh in kahsre kuht in oruh sulaclah wo nuhke mwe ahkengan lasr uh?

• Psalm 16:8; Soakas 6:16-19; Galatia 5:19-21

  Kuht enenuh in sruhnga ma nuhkewa ma Jeova el sruhnga, oacna orekma suhlallacl, inutnut, ac orekma in kosro.

• Psalm 19:14; Philippi 4:8

  Ke kuht nwacklah nuhnak lasr uh ke ma wo ac nuhnkuh yohk kac, kuht ahkinsewowoye Jeova.

• Matthew 6:33; Ephesus 5:15, 16

  Kuht enenuh in taran ke luhpan pacl ma kuht sislah nuhke mwe ahkengan. Alu lasr nuh sin Jeova uh enenuh in pa ma yohk srihpac emeet ke moul lasr uh.

“Wacngihn sie mwet in suk ma ac wo nuh sel sifacna, a elan suk ma wo nuh sin mwet ngiac.”​—1 Corinth 10:24

Efuh kuht enenuh in nuhnkuh lah fuhkah puhlakihn luhn mwet sahyac uh ke sulaclah lasr ke mwe ahkengan uh?

• Ecclesiastes 7:16; Rome 2:21

  Sulaclah luhn sie mwet Christian nuhke mwe ahkengan ac kuh in siena liki sulaclah luhn sie mwet sahyac uh. Kuht kwacfeacng in oruh sulaclah wo nuh sesr sifacna, ac in tiac nuhnuhnkuh mwet sahyac uh ke sulaclah ma elos oruh.

• Galatia 6:5; Philippi 4:5

  Nuhnak ac puhlakihn lasr uh kuh in kahsruh kuh ahkkulukye sulaclah lasr uh, ac tiac oacna sie nuhnak ac puhlakihn luhn mwet nuhkewa.

• 1 Corinth 10:32; Philippi 1:10

  Ke srihpen kuht sruhnga in ahktihkuclkuclye mukul lili kuh muhtwacn lili wiyacsr uh, pwacnacng kuht enenuh in taran ke sulaclah lasr nuhke mwe ahkengan uh.