7. Yac Kom Ahksacohkye Moul uh Oacna God?
1 MOUL UH ARLACNA SACOHK NUH SIN JEOVA
“Tuh kom pa muhtwacwaciyen moul nuhkewa.”—Psalm 36:9
Efuh kuh kuht enenuh in nuhnkuh moul uh oacna sie mwe sang ma arlacna sacohk?
Genesis 1:27; Psalm 19:7-11; Soakas 2:6-11
Jeova el oraclah ma moul nuhkewa, wekuhnacng mwet uh. Kuht arlacna sacohk nuh sel, ac el luhngse kais sie mwet in engankihn sie moul wo, insewowo ac oasr kalmeyac.
-
Jeova el tiacna orekuhtlac in oacna robot uh. El use nuh sesr sukohsohk in oruh sulaclah ac kuh in oruh sulaclah ma ahkkahlwemye lah, kuht ahksacohkye na pwacye moul uh.
2 SRAH UH ARLACNA SACOHK NUH SIN JEOVA
“Moul luhn ma oasr moul la nuhkewa oasr ke srah.”—Leviticus 17:11
Meac nuhnak luhn Jeova ke srah?
Leviticus 17:10; Soakas 13:16; Orekma 15:20; Rome 12:2
Oasr sie ohiyac ma kuh in sikyak ma kuht enenuh in oruh sulaclah yohk nuhke oakwuck ac inkacnek in ono ma orekmakihn srah, wi sulaclah lasr lah kuht ac eis kuh tiac inkacnek in ono ma oasr ip srihsrihk ke srah kac. Mwet sahyac uh tiac kuh in oruh sulaclah lasr nuh kac uh. Meet liki kain in ohiyac se inge sikyak, kuht enenuh in puhruhe ac siyuck ke kahs in kahsruh ac oruh research lasr nuh kac.
Genesis 9:4, 5, 9; Deuteronomy 12:16; Orekma 15:28, 29
In Bible, srah uh luhmweyuck nuhke moul. Masap luhn God ke srah uh tiacna eklac. Ma inge oacpacna ke pacl lal Noah ah nuhke pacl se ma God el sang nuh sin mwet Israel Masap ma ituckyang nuh sel Moses, ac nwe ke pacl luhn mwet Christian.
3 KUHT ENENUH IN NUHNKUH KE MOUL UH OACNA JEOVA
“Ohinge inkacnek luhk siena liki inkacnek lowos, ac nuhnak luhk liki nuhnak lowos.”—Isaiah 55:9
Meac kuhtuh inkacnek ma kuht kuh in ahkkahlwemye lah kuht ahksacohkye moul?
-
Moul luhn kais sie mwet arlacna sacohk nuh sin Jeova. Sisi tuhlihk uh kuluk, mweyen ye muhtuhn God finne sie tuhlihk suc soenna isuslac oasr moul lal.
Psalm 103:8-14; Orekma 3:19; Ephesus 1:7
Fin sie muhtwacn el sislah tuhlihk se nahtuhl ke kuhtuh pacl somlah, tuhsruhktuh ingena el auliyak, Jeova el ac nuhnak muhnahs nuh sel.
Psalm 11:5; Ecclesiastes 11:9, 10
Kuht ahkkahlwemye lah kuht suhnakihn moul ke kuht fahsr liki kuhtwena mwe ahkengan sensen ac ohiyac ma fihlihkuhti in mwe sensen ac ohiyac suhlallacl. Kuht oacyacpac karihngihn lohm sesr ac sitosah okacsr uh in wacngihn mwe sensen nuh kac.
4 YE MUHTUHN JEOVA, FACL SE LAL SATAN INGE NWACNWACLAH KE MWACTAN SRAHN MWET PUHS
“Nga liye lah muhtwacn sac sruhi ke srahn mwet luhn God.”—Fwackyuk 17:6
Efuh kuh facl se lal Satan inge nwacnwaclah ke mwactan srahn mwet sahyac uh?
-
Million sin mwet uh elos acnwucki ke srihpen alu, politic, ac rahpkuh.
Matthew 24:14; John 17:16; Orekma 20:26, 27
Mwet Christian uh tahfwelah na in tiac wi ke kuhtwena u ac tiac sang kahsruh nuhke kuhtwena u ma oasr kuhpahsr la nuhke mweun kuh ahkmas. Kuht kahsruh mwet uh in eis moul ke kuht sruhmuhn nuh seltahl ke pweng wo ke Tohkohsrahi uh.
