“Ahknwacsnwacsye kowos, kowos suc us ahluh luhn Jeova.”​—Isaiah 52:11, BMK

Kuht ac oruh fuhkah alu lasr uh in nwacsnwacs?

• 1 Corinth 10:21; James 1:27

  Kuht fahsr liki facsin, ac luhlahlfongi ma oasr kuhpahsr la nuhke alu kikiacp.

• Leviticus 11:44; Malachi 3:6

  Jeova el karihngihn mwet lal uh pacl nuhkewa ke el sang nuh selos masap ac kahs in kahsruh.

“Lwelah kuht in sifacna ahknwacsnwacsye kuht liki ma nuhkewa suc ac ahkfohkfohkye mahnosr kuh nguhnasr.”​—2 Corinth 7:1

Kain in orekma fuhkah ma Jeova el luhngse kuht in fahsr liki?

• Matthew 22:39; Orekma 17:25; Titus 3:1

  Fahsr liki ma ma ac fah kuhnahoslah monum kuh ahkfototoye moul lom uh, oacna sismohk, orekmakihn mwe nihmnihm ahluhkwelah ma fal kuh ono kuluk. Kuht fahsr liki kain in orekma kuluk inge mweyen kuht ahkkahlwemye suhnak nuhke moul lasr, moul luhn mwet sahyac uh, ac masap ke acn ma kuht muhta we uh.

• Rome 7:21-25

  Finne upac nuh sesr in sislah sie ohiyac kuluk, kuht tiac fuhlweack. Ke kahsruh luhn Jeova, kuht kuh in kuhtanglah.

“Nga uni monuk, ac ahkkohsye.”​—1 Corinth 9:27, BMK

Meac kuh in kahsre kuht in tulokihnyac ohiyac kuluk lasr uh?

• Matthew 6:13

  Puhruhe ac siyuck ke nguhn muhtahl in kahsre kom in lain kena kuluk uh.

• 1 Peter 4:3, 4

  Fahsr liki mwet, movie, kuh on ma oruh in upaclah nuh sum in lain ohiyac kuluk uh.

• Rome 12:1, 2

  Ahkolah na meet in ahkuhtweyac nuh sin mwet sahyac uh lah efuh kom sulaclah in tiac oruh sie ma, ke sie mwe puhpuhlyuck, efuh kom tiac sismohk.