MWE LUTLUT AHK 12
Sramsram ke Inkacnek Kuhlwacng ac In Kahlwem ke Puhlakihn luhn Mwet Sahyac
1 Thessalonica 2:7, 8
MA KOM KUH IN ORUH: Sramsram ke inkacnek kuhlwacng, ac ahkkahlwemye nuh sin mwet suc lohng kom an lah kom nuhnkaclos ac luhngse in kahsrelos.
OREK FUHKAH:
-
Nuhnkuh ke mwet suc lohng kom an. Ahkolah insiom ke kom nuhnkuh ke ma upac ma elos sun uh. Srihke luhmahlah ke nuhnak lom an ke ma elos puhla uh.
-
Sulaclah ahkwoyac kahs ma kom orekmakihn an. Kwacfeacng in ahkkweye, ac ahkwoye mwet suc lohng kom an. Taran in tiac orekmakihn kahs ma ac kuh in ahkngalyaclos. Nikmet fahk kahs ma tiac wo ke mwet suc tiac luhlahlfongi Jeova, kuh ke ma eltahl luhlahlfongi na pwacye kac an.
-
Ahkkahlwemye lah kom engan ac nuhnkuh kaclos. Ke puhsra kuhlwacng ac srihsrsrihsr ma fal, ahkkahlwemye nuh sin mwet suc lohng kom an lah kom nuhnkuh na pwacye kaclos. Nuhnkuh ke atacn ngwetngwet lom an; isracsr inkaiyen pacl uh.
