Puhruhe ac ahkolah in wo. Puhruhe siyuck ke kahsruh kom in kuh in nuhnkuh ahkwoyac, tiac keim sifacna, a ke mwe lutlut ma kom ac fah sruhmuhn an. Oruh kom in kahlwem ke mwe lutlut yohk srihpac ma enenuh in ahkkahlwemyeyuck an. Sruhmuhn mwe lutlut yohk ke kahs lom sifacna; ac nikmet fahk kais sie kahs oacna ke ma sihmlac an.

Sramsram ke insiom nohfohn. Nuhnkuh lah efuh mwet suc lohng mwe sramsram lom an enenuh in lohng ke pweng uh. Ke ma inge, atacn tu lom an, mukuikui luhn monum, ac atacn ngwetngwet lom an ac ahkkahlwemye ke ohiyac pwacye ac kuhlwacng lom an.

Liye mwet in walihl sacn. Fin fal, kom ngwetacng nuhke muhtuhn mwet suc lohng an. Ke kom oruh mwe sramsram lom an, ngwetacng nuh sin sie mwet ke kais sie pacl, ac tiac srihke in ngwetacng liye muhtuhn mwet nuhkewa in walihl sacn.