MWE LUTLUT AHK 7
Luti Ma Suwohs ac Ma Kuh in Luhlahlfongiyuck
Luke 1:3
MA KOM KUH IN ORUH: Orekmakihn mwe ahkpwacyeye ma luhlahlfongiyuck in kahsruh mwet suc lohng kom an in kahlwem na pwacye ke mwe sramsram lom an.
OREK FUHKAH:
-
Konwacack ac orekmakihn reference ma kuh in luhlahlfongiyuck. Kahs lom an enenuh in fal nuhke Kahs luhn God, riti suwohs ke Bible fin kuh. Kom fin sramsramkihn sie ma ma konweyuckyak ke science, sie report ke news, sie ma sikyak, kuh kuhtuh pac mwe ahkpwacyeye nuh kac, liye in wo meet lah ma ingacn kuh in luhlahlfongiyuck ac sasuc.
-
Orekmakihn Bible ac mwe rit sahyac ke inkacnek suwohs. Ahkuhtweyac ma suhmuhslah in fal nuhke context kuh ma suhmuhslah sahyac an, ke mwe luti pwacye luhn Bible, ac ke mwe rit ma oreklac sin “mwet kuhlwacnsap oaru ac lahlmwetmwet.” (Mt. 24:45) Kom fin ac orekmakihn sie reference kuh puk sahyac ma tiac tuhkuh ke Bible, ma inge enenuh in fal nuhke nuhnak luhn mwet sihm sacn ac ke ma el luhngse in ahkuhtweyac an.
-
Ahkuhtweyac wo in fal nuhke mwe ahkpwacyeye. Tukun kom riti sie ma suhmuhslah kuh ahkkahlwemye ke sie reference, siyuck kihsen siyuck wo ac orekmakihn mwe puhpuhlyuck ma ac kahsruh mwet suc lohng an in kahlwem ke mwe lutlut yohk srihpac kac an.
