“Kom oraclah ma nuhkewa.”​—Fwackyuk 4:11

Meac Bible uh kuh in luti kuht ke God?

• Fwackyuk 15:3

  El God Kuhlacna, ac mwet se suc kuh emeet fin facluh nohfohn ac inkuhsrao.

• Psalm 90:2

  El nuhna oasr oemeet me ac nuh tok ma pahtpaht.

• Matthew 6:9, BMK

  God pa Pahpah tuhmwacsr.

  El luhngse in oasr yohrohsr moul se ma wo emeet.

• Orekma 17:27

  God el luhngse in fototo nuh sesr.

“Jeova . . . pa inge ek nuh tok.”​—Exodus 3:15, BMK

Efuh kuh inen God arlac yohk srihpac?

• Psalm 83:18, BMK

  God el fahk nuh sesr lah inel pa Jeova. Tuhsruhktuh, inen God itucklac liki kuhtuh lweng luhn Bible uh. Tiac ine pa “God” ac “Leum.” Wal pa inge, oacna “tohkohsrah” ac “president.” Jeova el luhngse kom in orekmakihn inel.

• Exodus 3:14, NW

  Kalmen inel pa “El ac fah oruh ma el sulaclah in ahkpwacyeye.” Ke srihpen Jeova pa oraclah ma nuhkewa uh, pwacnacng el kuh in ahkpwacyeye kuhtwena wuhlelah ma el oraclah ac el kuh in ahkfahsrye oakwuck lal uh.

“God el luhng.”​—I John 4:8

Meac kalmen luhngse luhn God nuh sesr?

• Exodus 34:6; Psalm 37:28

  El kuhlwacng ac pahkotwen. El luhngse ma pwacye ac nuhnuhnkuh suwohs.

• Psalm 86:5

  El luhngse in nuhnak muhnahs.

• II Peter 3:9

  El mongfihsracsr nuh sesr.

• Psalm 25:10

  El oaru nuh sesr.

“Sang mwe fosrngah lowos nuhkewa nuh sel, mweyen el nuhnkwekowos.”​—I Peter 5:7

Kom etuh fuhkah lah God el nuhnkuh na pwacye keim?

• Psalm 37:9-11

  El wuhlelah in ahkwacngihnyelah mwe kweok ac in ahkwoyelah ma kuluk nuhkewa ma orek sin mwet kuluk uh.

• James 4:8

  Jeova el luhngse kom in fototo nuh sel.

• John 17:3

  Ke etwacack lom ke God yohkyohkwelihk, luhngse lom nuh sel uh ac yohkyohkwelihk pac.