“Kaksakihn LEUM GOD, kowos lipufacn kuhlacna lal.”​—Psalm 103:20

Meac kuht etuh ke lipufacn uh?

• Job 38:4-7

  Jeova el oraclah lipufacn uh meet liki el oraclah facluh.

• Fwackyuk 5:11

  Pihsen lipufacn uh oasr ke million pucspucs.

• I Peter 1:11, 12

  Pacl nuhkewa lipufacn uh kena in etuh ke oakwuck luhn Jeova ke facluh.

• Luke 15:10

  Lipufacn uh engan na pwacye sin mwet suc kuhlwacnsuhpuh God.

“Lipufacn luhn LEUM GOD karuhnguhnuhlos suc ahkfuhlwactyacl. Ac molweloslac liki mwe fosrngah nuh selos.”​—Psalm 34:7

Kuht etuh fuhkah lah lipufacn uh kuh in kahsruh mwet uh?

• Genesis 19:15, 16; Daniel 6:22; Luke 22:43; Orekma 12:6-11

  Lipufacn uh kahsrel Lot, Daniel, Jesus, ac Peter.

• Hebrew 1:7, 14

  Jeova el orekmakihn lipufacn uh in kahsruh ac karihngihn mwet kuhlwacnsap lal uh ke pacl inge.

“In kutongilyac Satan elan tiac kuhtangkuhtlac, mweyen kuht etuh ohiyac kuhtasrihk lal.”​—II Corinth 2:11

Suc demon inge, ac efuh eltahl mwe sensen?

• Fwackyuk 12:9

  Oasr sie lipufacn suc lain Jeova. El pa Satan.

• Genesis 6:2

  In lwen lal Noah, kuhtuh sin lipufacn uh seahkos God ac tuhkuh nuh facluh.

• Matthew 9:34

  Lipufacn inge weluhl Satan in lain God ac eklac demon.

• Deuteronomy 18:10, 11

  Demon inge srihke in kiacpwelah mwet uh ac ahkkulukyeltahl ke inkacnek nuhkewa ma eltahl kuh in oruh.

“Kowos in lain Devil, ac el ac fah kahingkihn kowos.”​—James 4:7

Kom kuh in eis fuhkah mwe kahsruh luhn Jeova in lainuhl Satan ac demon uh?

• Orekma 19:19

  Sislah ma nuhkewa ma kuhpahsr nuhke orekma luhn inutnut ma oruh mwenmwen kuh magic, ma kuhpahsr nuh sin demon, ma motkoeyuck muh tiac na mwe sensen.

• Ephesus 6:16, 18

  Muhsaheack luhlahlfongi lom an ke kom lutlut Bible, ac puhruhe in siyuck ke mwe karihngihnyuck luhn God.

• Soakas 18:10, BMK

  Orekmakihn inen Jeova.