“God Kuhlacna El tiacna oruh ma kuluk. Wacngihn pacl El oruh ma sesuwohs nuh sin mwet uh!”​—Job 34:12

Efuh kuh arlacna puhs mwe kweok fin facluh?

• I John 5:19

  Mwet kol luhn facluh pa Satan suc Devil.

• Ecclesiastes 8:9

  Mwet uh pa oruh mwet sahyac uh in kweok.

• Ecclesiastes 9:11

  Ke kuhtuh pacl uh, mwet uh sun mwe kweok ke srihpen eltahl oasr ke sie acn ke pacl ma tiac fal.

• I Peter 5:7

  Oasr luhngse yohk luhn Jeova nuh sin mwet uh. El sruhnga in liye ke eltahl sun mwe kweok uh.

“God el etuh tuh . . . motomtacl fah ikacklah, ac komtacl fah oacna God, in etuh ma wo ac ma kuluk.”​—Genesis 3:5, BMK

Efuh Jeova el tiac sa in kuhnahosuhllah Satan?

• Genesis 3:2-5

  Satan el fahk muh God el sie mwet kol kuluk. Satan el luhngse mwet uh in luhlahlfongi muh oasr suwohs laltahl in sifacna oruh sulaclah ke ma wo kuh ma kuluk. God el sang pacl tuh in kuh in kahlwem nuh sin mwet nuhkewa lah Satan el kikiacp.

• Job 1:6

  Satan el laenuhl Jeova ye muhtuhn million sin lipufacn.

“Wacngihn sie mwet sifacna kol inkacnek lal.”​—Jeremiah 10:23

Efuh kuh mwet uh sun mwe kweok ke lusen pacl na loeloes?

• Isaiah 55:9

  Oasr kain in government luhn mwet uh, tuhsruhktuh eltahl tiac kuh in kol facluh ke inkacnek wo fin wacngihn kahsruh luhn God.

• II Peter 3:9, 10

  Jeova el mongfihsracsr ac el use pacl nuh sesr in etwacllah, ac in sulacllah oacna mwet Kol lasr.

• I John 3:8

  Jeova el ac orekmakuhnuhl Jesus in ahkwoyelah ma kuluk nuhkewa ma Satan el oraclah uh.

“Tuhlihk nuhtihk, kom in lahlmwetmwet, . . . tu nga fah kuh in tohpkohl suc ahngonyuc.”​—Soakas 27:11, BMK

Efuh Jeova el tiac pahtok kuht in kuhlwacnsuhpwacl?

• Deuteronomy 30:19

  Jeova el use nuh sesr sukohsohk in sifacna oruh sulaclah lasr. Kuht kuh in sulaclah lah kuht ac kuhlwacnsuhpwacl kuh tiac.

• Matthew 22:37, 38

  Jeova el luhngse kuht in kuhlwacnsuhpwacl ke srihpen kuht luhngse el.