“Kom pa muhtwacwacyen moul nuhkewa.”​—Psalm 36:9

Kuht ac ahkkahlwemye fuhkah lah kuht ahkkahlwemye suhnak nuhke moul?

• Orekma 17:28; Fwackyuk 4:11

  Moul uh sie mwe sang sin Jeova, ac kuht enenuh in ahkkahlwemye suhnak lasr nuh kac.

• Exodus 21:22, 23; Deuteronomy 5:17

  Orekma in ahkmas ac sisi tuhlihk uh kuluk.

• I John 3:11, 12, 15

  Kuluk in sruhnga mwet.

• II Corinth 7:1

  Fahsr liki orekma fohkfohk oacna sismohk, orekmakihn ono kuluk, ac chew betel nut.

• Psalm 11:5

  Fahsr liki mwe ahkengan kuluk ac sritacl ma arlac sensen.

“Moul luhn ma moul nuhkewa oasr ke srah kaclos.”​—Leviticus 17:14

Meac nuhnak luhn God ke moul ac srah?

• Genesis 4:10; Deuteronomy 12:23

  Srah uh luhmweyuck nuhke moul.

• Genesis 9:3, 4

  Kuht kuh in kang ikoac tuhsruhktuh tiac wi srah.

• Orekma 15:28, 29; 21:25

  God el sapkihn in fahsr liki srah wekuhnacng srah ma orekmakihnyuck oacna ono in sang unwelah mas.

• Hebrew 11:6

  Fototo lasr nuh sin Jeova pa ma se ma yohk srihpac emeet ke moul lasr uh.

“Srahn Jesus . . . ahknwacsnwacsyekuhtlac liki ma kuluk nuhkewa.”​—I John 1:7

Meac mwe kihsac lal Jesus uh oruh nuh sesr?

• Leviticus 17:11

  In pacl luhn Bible, ke pacl ma mwet Israel ah oruh ma kuluk, elos kuh in siyuck ke nuhnak muhnahs luhn Jeova ke elos kihsackihn ma orahkrahk ac siyuck sin mwet tol uh in okwacacng kuhtuh srah uh nuh fin loang uh.

• Matthew 20:28; Hebrew 9:11-14

  Ke pacl se Jesus el tuhkuh nuh facluh, el ahollah masap ke mwe kihsac ke ma orahkrahk uh ke el sang moul lal, kuh srahl, in sang nuhnak muhnahs ke ma kuluk lasr uh.

• John 3:16

  Moul lal Jesus uh arlacna sacohk, pwacnacng tukun Jeova el ahkmoulyelack nuh inkuhsrao, Jeova el sang pacl wowo nuh sin mwet nuhkewa suc ahkkahlwemye luhlahlfongi nuh sel Jesus in moul ma pahtpaht.