“Ke srihpac se inge, nga sikuckmuhtuhntei ye muhtuhn Pahpah. Suc acsang ine na pwacye luhn sucu nuhkewa inkuhsrao ac fin facluh.”​—Ephesus 3:14, 15

Sucu lom an kuh in insewowo fuhkah?

• Genesis 1:26-28

  Jeova el oraclah sucu se meet.

• Ephesus 5:1, 2

  Inkacnek nuhke moul in sucu ma insewowo pa in etahi Jeova ac Jesus.

“Kais sie mukul tuhma elan luhngse muhtwacn kiyacl oacna el sifacna, ac kais sie muhtwacn kiyac elan ahkfuhlwactye mukul tuhmwacl.”​—Ephesus 5:33

Ohiyac fuhkah mukul tuhma ac muhtwacn kiyac enenuh in ahkkahlwemye nuh sin sie sin sie?

• Ephesus 5:22-29

  Oasr ma kunen mukul tuhma nuh sin sucu lal uh. El enenuh in luhngse muhtwacn kiyacl, ac muhtwacn kiyacl enenuh in sang kahsruh nuhke sulaclah ma el oraclah.

• Colossae 3:19; I Peter 3:4

  Eltahl enenuh in kuhlwacng ac nuhnkuh ke sie sin sie.

• I Peter 3:1, 2, 7

  Sie mukul pahyuck ac muhtwacn pahyuck enenuh in ahkfuhlwactye ac suhnakihn sie sin sie.

• I Timothy 5:8; Titus 2:4, 5

  Sie mukul pahyuck el enenuh in sang mwe enenuh luhn sucu lal uh. Sie muhtwacn pahyuck el enenuh in karihngihn in wo mwet nuhkewa in sucu lal uh.

“A kowos, pahpah tuhma, kowos in tiac ahngon tuhlihk nuhtuwos nuhke muhlat; a kowos in oakoakwelos in kai ac kaiyuck luhn Leum.”​—Ephesus 6:4, BMK

Kunohkohn fuhkah ma oasr yurin pahpah ac ninac uh?

• Deuteronomy 6:4-9; Soakas 22:6

  Kom enenuh in eis pacl in luti tuhlihk nuhtum an kacl Jeova. Muhtwacwacack ke pacl se eltahl srackna tuhlihk srihsrihk, mongfihsracsr in kahsruh kais sie seltahl in eklac kawuck luhn Jeova.

• I Peter 5:8

  Luti tuhlihk nuhtum an lah fuhkah eltahl kuh in fahsr liki kuhtwena inkacnek in ahkkuluk nuhke mahnoltahl ac kuhtuh pac mwe sensen sahyac.

• Jeremiah 30:11; Hebrew 12:9-11

  Kom enenuh in kai tuhlihk nuhtum an tuhsruhktuh, tiac ke kasrkuhsrak kuh ke inkacnek suhlallacl.

“Tuhlihk srihsrihk, kowos in ahkos pahpah tomowos ac ninac kiowos.”​—Ephesus 6:1

Tuhlihk srihsrihk, efuh kowos enenuh in ahkos pahpah ac ninac kiowos?

• Soakas 23:22-25; Colossae 3:20

  Ahkostwen lom an ac oruh Jeova, ac pahpah ac ninac kiyom an in engan.

• I Corinth 15:33

  Konwacack kawuck suc luhngse Jeova. Na, ac fihsracsruh nuh sum in oruh ma suc suwohs.