“A fuhnuh muhtuhnpot nuhke moul uh ohsrihksrihk, ac inkacnek nuh kac uh upac, ac puh na mwet konwacack.”​—Matthew 7:14

Kuht etuh fuhkah lah God el tiac insewowo ke kain in alu nuhkewa?

• Matthew 7:21-23

  God el tiac insewowo ke alu nuhkewa. Tiac alu nuhkewa oruh ma luhngse luhn God.

• Matthew 7:13, 14

  Alu pwacye uh kol nuhke moul ma pahtpaht. Alu kikiacp uh kol nuhke kuhnanuclac ma pahtpaht.

• Matthew 7:16, 17

  Kom kuh in akihlen alu pwacye uh ke orekma la uh. Kom tiac enenuh in lutlut ke kain in alu nuhkewa, lutlutkihn na ma Bible uh fahk.

• I Thessalonica 2:13; II Timothy 3:16, 17

  Luhlahlfongi ac luti muhkwena ma oan in Bible uh.

• Matthew 4:10, BMK; John 17:6, BMK

  Alu nuh sin Jeova ac orekmakihn inel.

• John 13:35

  Ahkkahlwemye luhngse pwacye nuh sin sie sin sie.

• John 3:36; Orekma 4:12

  Ahksol Jesus. God el orekmakuhnuhl Jesus in molikuhtlac.

• John 18:36; Orekma 5:29

  Nimet wi ke politic.

• Matthew 24:14; 6:10

  Luti nuh sin mwet sahyac uh lah Tohkohsrahi luhn God pa inkacnek sefanna in sang ahkwoyelah ma upac lasr uh.

Meac kom enenuh in oruh kom fin luhngse God elan insewowokihn alu lom an?

• James 2:19

  Tiac fal in luhlahlfongi muhkwena ke God. Kom enenuh in oruh ma El fahk in Bible uh.

• Isaiah 52:11; Fwackyuk 17:5

  Alu kikiacp, kuh “Babylon Kuhlacna,” luti nuh sin mwet uh in alu nuh sin God ke inkacnek se ma el tiac insewowo kac. Mwe luti ke alu kikiacp uh wekuhnacng ke Trinity, nguhn ma tiac kuh in misac, ac ke e in isis.

• Fwackyuk 18:4, 8

  Ke pacl na sa, Jeova el ac kuhnahoslah alu kikiacp nuhkewa. Kom enenuh in fahsr liki kuhtwena ma ma kuhpahsr nuhke alu kikiacp.

• Mark 10:28-30

  Sahp, oasr mwe lain ma kom ac sun, tuhsruhktuh Jeova el ac fah tiac som liki kom.