“Kowos fah tuyak ac som luhkwelos, ac sifacna srikowoslac luhkwelos. Tiac kahlyac kuhtwena ma suc fohkfohk.”—II Corinth 6:17

Efuh kuh alu nuhke ma sruhloaclah ac nuh sin mwet mahtuh ke sucu suc misac tari uh tiac suwohs?

• Exodus 20:4, 5; I John 5:21

  Jeova el sruhnga kuht in orekmakihn ma sruhloaclah ke alu lasr uh.

• Deuteronomy 18:10-12

  Mwet suc sramsram nuh sin mwet misac uh, pwacyeiyac uh eltahl sramsram nuh sin demon.

“Kwacfeacng in ahkpwacyeye ma suc ahkinsewowoye Leum.”—Ephesus 5:10

Kom ac sulaclah fuhkah kom fin ac wi ke sie mwe ahkfuhlwact kuh tiac?

• Ezekiel 44:23; II Corinth 6:14, 15

  Liye lah ma inge tuhkuh sin mwet pagan, kuh tiac.

• Exodus 32:2-10

  Finne mwet suc sramtwacack mwe ahkfuhlwact inge oruh ke srihpac wo lalos, mwe ahkfuhlwact inge sahp God el tiac insewowo kac.

• Daniel 3:1-27

  Taran ke mwe ahkfuhlwact ma sang ahkfuhlwactye mwet uh, u, kuh mwe akucl luhn muhtuhnfacl uh.

• I Timothy 1:18, 19

  Orekmakihn nuhnak wo, tuhsruhktuh sruokyacna elah ac puhlakihn wo ye muhtuhn Jeova.

“Lwelah kahs lowos in kuhlwacng pal e nuhkewa, sohlelah ke sohl, tuh kowos fah kuh in etuh fuhkah fal in topuk nuh sin kais sie mwet.”​—Colossae 4:6, BMK

Kom ac ahkuhtweyac fuhkah luhlahlfongi lom an nuh sin mwet sahyac uh?

• Matthew 7:12

  Ahkkahlwemye suhnak nuhke sulaclah luhn mwet sahyac in oacna ke kom luhngse elos in ahkkahlwemye suhnak nuhke sulaclah lom uh.

• II Timothy 2:24

  Kuhlwacng pacl nuhkewa, ac nimet akuhkuhin nuh sin mwet sahyac ke luhlahlfongi lom uh.

• I Peter 3:15

  Ahkolah in sang top wo ke luhlahlfongi lom an ke inkacnek fihlpacp ac suhnak.

• Hebrew 10:24, 25

  Ke acn in toeni luhn mwet Christian uh, mwet sahyac suc wi ingacn ac tuhfah ahkkweye kom ac kahsre kom in etuh lah meac kom kuh in fahk fin oasr mwet suc siyuck ke luhlahlfongi lom an.