“Liye, kof pa inge. Yac oasr ma ac ikolyucwi nga in bacptaislac?”​—Orekma 8:36

Efuh kom enenuh in eis bacptais, ac kom ac bacptais fuhkah?

Bacptais uh ahkkahlwemye lah kom sislah ohiyen moul lom meet ah, ac muhtwacwacack ke moul sasuc se in oruh ma luhngse luhn God.

• Matthew 28:19, 20

  Kom enenuh in bacptais in kuhlwacnsuhpuh Jeova.

• Psalm 40:8

  Bacptais uh ahkkahlwemye nuh sin mwet sahyac lah, kom luhngse in kuhlwacnsuhpuh God.

• Matthew 3:16

  Enenuh monum nohfohn in tilli nuh in kof uh, in oacna Jesus.

“Kuht ahkkahlwemye luhngse lasr nuh sin God ke kuht ahkos ma sap lal. Ac ma sap lal uh tiac toasrlac nuh sesr.”—I John 5:3

Efuh kuh kom tiac enenuh in sahngweng in wuhlelah moul lom nuh sin Jeova?

• Psalm 103:14; Isaiah 41:10

  Kom tiac enenuh in suwohs ke ma nuhkewa in wuhlelah moul lom nuh sin Jeova. El ac kahsre kom in oruh ma wo.

• Colossae 1:10

  Luhngse lom nuh sin Jeova ac kahsre kom in kuhtanglah nuhnak in ahlohloh lom in ahksuhpwacryacl.

“Nga arlacna luhngse in oruh ma luhngse lom, God luhk! Nga sruokyac mwe luti lom insiuck.”​—Psalm 40:8

Meac kom enenuh in oruh in wuhlelah moul lom nuh sin Jeova?

• John 17:3

  LUTLUT KE KAHS LUHN GOD

  Eis etwacack kacl Jeova ac Jesus Christ. Fin yohkwelihk etwacack lom kaclos, luhngse lom nuh selos uh ac yohkwelihk pac.

• Hebrew 11:6

  AHKKWEYE LUHLAHLFONGI LOM AN

  Luhlahlfongi na pwacye ke wuhlelah luhn God ac ke kuh luhn mwe kihsac lal Jesus in molikuhtlac liki ma kuluk ac misac.

• Orekma 3:19

  AULIYAK

  Kalmen ma inge pa kom ahsor na pwacye ke ma kuluk nuhkewa kom oraclah.

  FORLAH

  Kalmen ma inge pa in tui ke kuhtwena ohiyac kuluk ac oruh ma wo.

• I Peter 4:2

  WUHLELAH MOUL LOM

  Kihsackuhnwacng moul lom nuh sin Jeova ke kom wuhlelah ke puhruhe lom an lah kom ac alu nuh sel, ac in oruh ma luhngse lal uh in pa yohk srihpac emeet ke moul lom an.