“Ma Suhmuhslah nuhkewa ituckuh ke nguhn luhn God.”​—II Timothy 3:16

Bible uh siena liki kuhtwena puk sahyac uh fuhkah?

Bible uh luhngasyucklac nuhke kahs 2,600 kuhtuh ac billion copy ma printiyucki tari.

Ma inge use nuh sesr etwacack ma kuht tiac kuh in konwacack sahyac.

• I Thessalonica 2:13

  God pa oraclah Bible uh.

• II Peter 1:21

  God el kol mwet uh in ahkkahlwemye nuhnak lal uh.

“God suc koflahna kikiacp.”​—Titus 1:2

Efuh kom kuh in luhlahlfongi ke Bible?

• Isaiah 44:27–45:2

  Foko yac meet liki ma inge sikyak, Bible uh palye lah acn Babylon ac sruhoh fuhkah.

• II Timothy 3:1-5

  Kahs pahluh in Bible uh ahkpwacyeyuck ke pacl inge.

• Oekyuk 23:19

  Kuht kuh in luhlahlfongi ke ma Bible uh fahk ke pacl fahsruh uh.

“Nga pa LEUM GOD lowos, Suc luhngse luti kowos ke ma ac wo nuh suwos sifacna.”​—Isaiah 48:17

Meac kom lotwelah ke Bible uh?

• Job 26:7; Ecclesiastes 1:7

  Ma Bible uh fahk ke ma ma kuhpahsr nuhke science uh suwohs.

• Oekyuk 20:2-12

  Mwet suc suhmuhslah Bible uh pwacye ac suwohs.

• Matthew 5-7

  Jesus el use nuh sesr kahs in kahsruh lah fuhkah in insewowo, in wo inmahsrlosr nuh sin mwet sahyac uh fuhkah, in puhruhe fuhkah, ac nuhnak fuhkah lasr ke mani uh.

“Kahs luhn God uh moulna ac oasr kuh kac.”​—Hebrew 4:12

Meac Kahs luhn God uh kuh in oruh nuh sum?

• Ma inge kuh in kahsre kom in kahlwem ke oakwuck luhn God uh.

• Ma inge kuh in kahsre kom in etuh lah kom mwet fuhkah se.

• Ma inge kuh in kahsre kom in kahlwem ke ma God el luhngse kom in oruh.

God el luhngse kom in rit, lutlut, ac in luhngse Bible uh.