“Wen nuhtin Mwet el . . . tuhkuh . . . ac sang moul lal in molwelah mwet pucspucs.”​—Matthew 20:28

Efuh kuht enenuh mwe molwelah se inge?

• Genesis 3:17-19

  Ke pacl se Adam el seahkos God, wacngihnlac fototo wowo lal nuh sin Jeova, moul suwohswohs lal, ac acn in muhta lal ma oacna Pacruhtais.

• Rome 5:12

  Ke srihpen ma Adam el oraclah, pwacnacng kuht usrui ma kuluk ac misac.

• Ephesus 1:7

  Mwe molwelah se inge pa inkacnek luhn Jeova in ahksukohsohkyelah mwet uh liki ma kuluk ac misac.

“God . . . el suhpwacma Wen sefanna nahtuhl nuh facluh, tuh kuht fah kuh in moul kacl.”​—I John 4:9

Jeova el use fuhkah mwe molwelah se inge?

• Psalm 49:7, 8

  Wacngihn kuhtwena sesr kuh in moli mwe molwelah se nuhke moul suwohswohs se ma tuhlac luhkwel Adam.

• Luke 1:35

  Jeova el suhpwacma Wen sacohklacna nahtuhl nuh facluh in isuslac oacna sie mwet suwohswohs.

• Rome 3:23, 24; Hebrew 9:24

  Tukun Jesus el sifwil ahkmoulyeyuckyak, el fohlohk nuh inkuhsrao ac el sang nuh sin Jeova luhpan yohk srihpaciyen moul suwohswohs lal ma kihsackihnyuck oacna sie mwe molwelah.

“El ac fah elah sroninmuhtahlos nuhkewa. Ac fah wacngihn misac.”​—Fwackyuk 21:4

Ma wo fuhkah kuht kuh in eis ke mwe molwelah se inge?

• I John 1:8, 9

  Ma kuluk lasr uh kuh in nuhnak muhnahs nuh sesr.

• Hebrew 9:13, 14

  Ac fah oasr nuhnak ac puhlakihn wo lasr ye muhtuhn God.

• Rome 6:23

  Oasr yohrohsr finsrak nuhke moul ma pahtpaht.

• Galatia 2:20

  Mwe sang ke mwe molwelah se inge ahkpwacyeye lah, Jeova ac Jesus luhngse kuht na pwacye.

“God . . . el acse Wen sefanna nahtuhl tuh elos nuhkewa suc luhlahlfongwel . . . fah eis moul ma pahtpaht.”​—John 3:16

Kuht ac ahkkahlwemye fuhkah lah kuht srui ke mwe sang se luhn God inge ke mwe molwelah?

• John 17:3

  Eis etwacack kacl Jeova ac Jesus, ac etahelos.

• Luke 22:19

  Wi ke Mwe Acsmakihn ke Misac luhn Christ ke kais sie yac.

• John 3:36; James 2:26

  Kuht fin fahk muh kuht luhlahlfongwel Jesus, kuht enenuh pac in oruh ma el luti nuh sesr in oruh uh.