“Tohkohsrahi Lom in tuhkuh. Ma luhngse Lom in orek, oacna inkuhsrao, ohinge fin facluh.”​—Matthew 6:9-13, BMK

Meac Tohkohsrahi luhn God?

• Fwackyuk 11:15

  Tohkohsrahi luhn God, kuh government se ma oasr inkuhsrao inge ac fah kol fin facluh.

• I Timothy 6:15

  Jesus pa Tohkohsrah se ke Tohkohsrahi luhn God uh.

• Fwackyuk 14:1, 4

  Mwet 144,000 ac fah weluhl Jesus kol inkuhsrao.

• Hebrew 4:​15; 5:8

  Jesus ac mwet 144,000 elos kahlwem ke puhlakihn lasr ac ke ma upac ma kuht sun uh.

“El ac fah oruh nuhnuhnkuh suwohs nuh sin mwet suhkahsruhp.”​—Isaiah 11:4

Efuh kuh Jesus pa sulaclah se ma wo emeet in eklac Tohkohsrah ke Tohkohsrahi uh?

• I Timothy 6:16

  Mwet kol nuhkewa ac fah misac, tuhsruhktuh Jesus el tiac kuh in misac. Ma wo nuhkewa ma Jesus el ac fah oruh nuh sesr uh ac oan nwe tok ma pahtpaht.

• Isaiah 11:2-4

  Jesus el kuh in oruh ma wo yohk liki na kuhtwena ma mwet kol uh kuh in oruh. El kuh liki mwet kol nuhkewa. El suwohs ac pahkotwen.

“God inkuhsrao El ac fah oakiyac sie tohkohsrahi suc ac fah wacngihn sahflahiyac.”​—Daniel 2:44

Meac Tohkohsrahi se inge oraclah tari? Meac ma inge ac fah oruh ke pacl fahsruh uh?

• Fwackyuk 12:7-12

  Tukun Jesus el eklac Tohkohsrah in yac 1914, el sisuhllah Satan liki inkuhsrao nuh facluh. Pa inge srihpac se pwacnacng arlacna yohk ma kuluk, ngal, ac mwe kweok fin facluh nohfohn.

• Ecclesiastes 8:9; Fwackyuk 16:16

  Ke Armageddon, Tohkohsrahi luhn God uh ac fah kuhnahoslah mwet kol nuhkewa luhn government suc suhlallacl ac kuhtasrihk.

• Psalm 37:10

  Mwet suc tahfwelah na in oruh ma kuluk uh ac tuhfah kuhnanuclac.

• Fwackyuk 22:1-3

  Ke pacl se Tohkohsrahi luhn God uh ac kol facluh, wacngihn mwet ac fah mas kuh misac ac mwet nuhkewa ac fah ahkfuhlwactye inen God.