“Nga tuh fahkwack na emeet ke ma ac sikyak in pacl tok uh. In pacl loeloes somlah nga fahkwack meac ac fah tuhkuh.”​—Isaiah 46:10

Meac kuht etuh ke lwen sahflah uh?

• Daniel 7:13, 14

  Jesus el eklac Tohkohsrah inkuhsrao in yac 1914.

• Matthew 24:3-14

  Jesus el palye ke pacl in ongaiyac nuh sin mwet uh.

• Fwackyuk 12:7-9, 12

  Tiac paht tukun Jesus el eklac Tohkohsrah, el sisuhllah Satan liki inkuhsrao nuh facluh. Satan el arlac kasrkuhsrak ke srihpen “fototo pacl luhlah lal” meet liki God el ahkwacngihnyacllah.

“Piyac akihlenyacn . . . sahflahiyen oakwuck luhn facluh?”​—Matthew 24:3, NW

Yac kom nuh liye tari ahkpwacyeyacn kahs pahluh in Bible uh?

• Matthew 24:7; Luke 21:11

  Kuht liye lah mweun, sracl, kusrusr, ac mas uh yohkyohkwelihk liki na meet ah.

• II Timothy 3:1-5

  Mwet sap Paul el ahkuhtweyac lah fuhkah ohiyen mwet uh ke lwen sahflah uh.

• Daniel 12:4

  God el kahsruh mwet lal uh in kahlwemi ke Bible liki na meet ah.

• Matthew 24:14

  Pweng wo ke Tohkohsrahi uh lutiyuck fin facluh nohfohn.

“Lwen luhn Jeova ac tuhkuh oacna sie mwet pihsrapasr ke fong.”​—I Thessalonica 5:2, NW

Ke srihpen lwen sahflah uh arlacna apkuhran, pwacnacng meac kom enenuh in oruh?

• John 17:3

  Nuhnkuh yohk ke lutlut lom ke Bible.

• Hebrew 10:24, 25

  Lotwelah ma pucspucs ke kom wi miting luhn Mwet Loh luhn Jeova.

• James 4:8

  Oraclah mwe ahksuwohs ke moul lom an tuh kom in kuh in fototoyang liki na meet ah nuh sin God.

• Luke 21:34-36

  Taran in tiac kahfofo ke ma pucspucs sahyac ac orekmakihn moul lom in alu nuh sin Jeova.