Nanchi Mukanya Bantu Kutamba Mafilimu amo, Kutanga Mabuku amo Nangwa Kuteleka ku Nyimbo imo Nyi?
Ine. Jibumba jetu kechi jasalululapo mafilimu, nyimbo ne mabuku amo kuba’mba bakamonyi ba kwa Yehoba o o bafwainwa kutambangako nangwa kutelekangako ne. Mambo ka?
Baibolo waamba’mba muntu yense wafwainwa kufunda “maana a kupima bintu.” Ano maana akamukwashanga kuyuka kyawama ne kyatama.—Bahebelu 5:14.
Mu Baibolo muji mafunde akonsha kukwasha mwina Kilishitu kusala bulongo byakisangajimbwe. a Twafwainwa kuyuka “kimutokesha Nkambo ku muchima,” byonkatu byo tuba na bintu bikwabo mu bwikalo bwetu.—Efisesa 5:10.
Mu Baibolo tufundamo kuba’mba mutwe wa kisemi uji na luusa lwa kusajila ba mu kisemi kyanji byakisangajimbwe. (1 Kolinda 11:3; Efisesa 6:1-4) Pano bino kafwako muntu nangwa umo uji na luusa lwa kukanya babula ba mu kisemi kyanji amba ae mafilimu, nyimbo ne bintu bikwabo kuba batambako, kutelekako nangwa kutanga ne.—Ngalatiya 6:5.
a Baibolo kechi utundaika bantu kutemwa bintu bilengela muntu kwikala kapondo, kupopwela mipashi nangwa kuba bulalelale ne.—Mpitulukilo ya mu mizhilo 18:10-13; Efisesa 5:3; Kolose 3:8.
Mwakonsha Kutemwa
BANYIKE BEPUZHA’MBA
Nanchi Kijitu Bulongo Kusala Nyimbo Nyi?
Na mambo a kuba’mba nyimbo yakonsha kwitulengela kwikala na byubilo byawama nangwa byatama, salainga bulongo nyimbo ya kutelekako.
