Nanchi Nenuwa Mupana bya Bujikumi Nyi?
Ine, Bakamonyi ba kwa Yehoba kechi bapana bya bujimi. Bupe bupana bantu bwa kufuma panshi ya muchima bo bulengela mwingilo wetu kwenda bulongo. Nanchi bya bujikumi byo bi ka, kabiji mambo ka Bakamonyi ba kwa Yehoba kyo babujila kupaina bya bujimi?
Muzhilo umo pa mizhilo yo bapele kisaka kya bena Isalela ye wakambizhe kufikizha bya bujikumi nangwa amba kupana kya bujikumi bya bintu byo muji nabyo. Nangwa byonkabyo, Baibolo waamba’mba aya Mizhilo ya kala kubikakotu ne “mukambizho wa kutambula bya bujikumi,” luno kechi ingila ku bena Kilishitu ne.—Bahebelu 7:5, 18; Kolose 2:13, 14.
Bakamonyi ba kwa Yehoba kechi bapana bya bujikumi nangwa milambo ne. Balondela byaubanga bena Kilishitu bakala. Batundaika uno mwingilo wa kusapwila mu mashinda abiji. Basapwila ne kufunjisha bantu kwa kubula mfweto ne, kabiji bapana bupe bwa kufuma panshi ya muchima.
Tulondela Baibolo byo akambizha bena Kilishitu kuba. Waamba’mba: “Bonse pa muntu pa muntu bobe monka mo bafuukwila mu michima yabo, kechi bapane na bulanda nangwa na mambo a kwibakanjikizha ne, mambo Lesa watemwa muntu upana na lusekelo.”—2 Kolinda 9:7.
Mwakonsha Kutemwa
MEPUZHO A MU BAIBOLO A KUMBULWA
Nanchi Baibolo Waambapo’mba ka pa Kupana bya Bujikumi?
Mukakumya bingi byaamba Baibolo ne byamba bantu pa kupana bya bujikumi byo byapusana.
MEPUZHO O BEPUZHA JAVULA
Mali Engijisha Bakamonyi ba kwa Yehoba mu Mwingilo Wabo Afuma Pi?
Tangai muyuke byo twingila mwingilo wa kusapwila ubena kununguluka bingi mwaya ntanda kwa kubula kulipilisha mali nangwa kutambula bya bujikumi.
MEPUZHO O BEPUZHA JAVULA
Nanchi Bakamonyi ba kwa Yehoba Baji na Bantangi Bafola Mali Nyi?
Nanchi muji na bantangi bakilamo kunema nyi? Bañanyi batongolwa kwikala bamwingilo?
