Hugo uji na myaka jikumi watambwile kilambu kya Diana Award kufuma ku kipamo kitala pa bya bulanda na mambo kukwasha bakwabo banyike kuyuka bya kuba na boba kanwa pa sukulu.

Hugo waambile’mba: “Vidyo wa kuba’mba Kupuma Boba Kanwa kwa Kubula Kutaya Bikonyi (Beat a Bully Without Using Your Fists) ye walengela kuba’mba ntambule kino kilambu. Byo nafunjile mu uno vidyo uji pa intaneti pa keyala wa jw.org byo byandengejile kuyuka bya kukwasha bakwetu kuyuka bya kuba na boba kanwa.

Hugo patanshi watambishe bafunjishi vidyo wa Beat a Bully. Kino kyo kyalengejile banengezhe kuba’mba bonse baana basukulu bashinkulenga keyala wa jw.org.

Hugo watambishe vidyo ya Beat a Bully bafunjishi. Bafunjishi bamutemenwe bingi uno vidyo kya kuba banengezha kuba’mba bonse baana basukulu bashinkulenga keyala wa jw.org. Banyike bavula baji na myaka 8 nangwa 10 babena kushinkula keyala wa jw.org kimye kyonse. Bamba’mba wibakwasha kuyuka bya kuba na makatazho nabiji kanwa ne kukumbula mepuzho nabiji a kuba’mba, Nakonsha byepi kwikala na balunda ba kine?

Pa sukulu mukwabo wa mu kyalo ya Britain, Elijah bamumanyikanga bingi ku bakwabo. Aye ne bansemi banji batambile vidyo wa Beat a Bully ne kwisambapo. Bafwanyikizhe byo akonsha kuba ne kwamba kimye kyo babena kumumanyika. Kino kyalengejile Elijah kuyuka bya kuba na luno lukatazho. Byo kwajinga mulungu wa kukanya kuba kanwa, mufunjishi kata wa pa sukulu paya Elijah watambishe baana basukulu bonse uno vidyo.

Lukatazho lwa banyike kumanyika bakwabo kechi lujitu mu kyalo ya Britain ne. Luno lukatazho lujitu mwaya ntanda yonse, kabiji uno vidyo ubena kukwasha banyike mwaya ntanda yonse.

Mu United States, Ivie uji na myaka jikumu wachinanga bingi mukwabo mo bafunjila wamutendekangatu kimye kyonse. Bino byo atambile vidyo wa Beat a Bully, Ivie wachinchikile ne kumusolomoka uno mukwabo kashimbi. Kabiji wisambile ne na mufunjishi wamukwashishe kupwisha luno lukatazho. Uno kashimbi mo bafunjila walombele kumulekelako mambo. Luno babena kumvwañana.

Bakamonyi ba kwa Yehoba bata bingi muchima banyike. Tusakutwajijila na kunemba bintu bya kukwasha baana kuyuka mwa kubila na bakwabo bebakatazha ku sukulu.