Nanchi Bungauzhi Bwaamba pe Mesiasa Bumwesha’mba Yesu ye Mesiasa Nyi?
Mukumbu wa mu Baibolo
Ee. Byo ajinga pano pa ntanda, Yesu wafikizhe bungauzhi bwavula bwaambile pe “Mesiasa Ntangi,” kabiji “Mupulushi wa ba pano pa ntanda.” (Danyela 9:25; 1 Yoano 4:14) Kabiji nangwatu kufuma kimye kyo afwile, watwajijile kufikizha bungauzhi bwaamba pe Mesiasa.—Salamo 110:1; Byubilo 2:34-36.
Kyambo kya “Mesiasa” kilumbulula ka?
Kyambo kya Kihebelu kya Ma·shiʹach (Mesiasa) ne kya Kingiliki kya kuba’mba Khri·stos (Kilishitu) byonse bilumbulula’mba “Mushingwa.” Onkao mambo, jizhina ja kuba’mba “Yesu Kilishitu” jilumbulula’mba “Yesu ye Mushingwa” nangwa’mba “Yesu ye Mesiasa.”
Mu kimye kyanembejilwengamo Baibolo, muntu bamwitulwilanga manyi pa mutwe inge bamusala kuba’mba ekale pa kifulo kikatampe. (Bena Levi 8:12; 1 Samwela 16:13) Yesu bamusajile kwi Lesa kuba’mba ekale Mesiasa, kifulo kikatampe bingi. (Byubilo 2:36) Nangwa byonkabyo, Lesa kechi washingile Yesu na manyi ne, bino wamushingile na mupashi wazhila.—Mateo 3:16.
Nanchi bantu bavula bo bafwainwe kufikizha bungauzhi bwaamba pe Mesiasa nyi?
Ine. Byonkatu kyala kyo bafwachika pa kipepala byo kisololatu muntu umo mwina kyokyo kyala, ne bungauzhi bwa mu Baibolo bumwesha’mba kujitu Mesiasa umo, nangwa’mba Kilishitu. Nangwa byonkabyo, Baibolo witujimunako kuba’mba “Bakilishitu ba bubela ne bangauzhi ba bubela bakeya ne kuba biyukilo bikatampe ne bya kukumya kuba’mba batwale bantu mungi, inge kyakonsheka ne boba basalwa pamo.”—Mateo 24:24.
Nanchi Mesiasa wafwainwe kumweka kulutwe nyi?
Ine. Baibolo waambijile jimo kuba’mba Mesiasa ukafuma mu kikota kya Mfumu Davida wa bena Isalela. (Salamo 89:3, 4) Nangwa byonkabyo, byonse byanembelwe pa ndonda ya bashakulu kutendekela pe Davida byaelekele kala, kyamweka byaonaikile kimye bena Loma kyo bashinjile Yelusalema mu 70 C.E. a Kufumatu kyo kya kimye, kyakatazha bingi muntu kumwesha’mba wafumine mu kisemi kya bufumu kya kwa Davida. Pano bino, mitanchi yonse ya bashakulu yanembelwe yajingako kimye Yesu kyo ajinga pano pa ntanda, nangwatu balwanyi banji kechi bazhinaukilepo byo aambile’mba wafumine mu kikota kya kwa Davida ne.—Mateo 22:41-46.
Bungauzhi bunga bwaamba pe Mesiasa banembwa mu Baibolo?
Kechi kyakonsheka kutongola nambala ya bungauzhi bwaamba pe Mesiasa ne. Mashinda a kubajilamo bungauzhi apusana pusana nangwatu bungauzhi bwashinkamikatu pe Mesiasa. Byambo biji pa Isaya 53:2-7 byatongola bungauzhi bwavula bingi bwaamba pe Mesiasa. Bamo bakonsha kubala’mba abye byambo byonse ke bungauzhi bumotu, bino bakwabo bakonsha kumona’mba mu bino byambo muji bungauzhi bwavula bwaamba pa bintu byapusana pusana pe Mesiasa.
Bungauzhi Bumo Bwaamba pe Mesiasa bwafikizhe Yesu
Bungauzhi |
Butaanwa pa |
Byo bwafikile |
|---|---|---|
Ukafuma mu kikota kya kwa Abalahama |
||
Ukafuma mu kisemi kya mwana wa kwa Abalahama aye Izaka |
||
Ukasemekelwa mu mukoka wa bena Isalela wa Yuda |
||
Ukafuma mu kisemi kya bufumu bwa Mfumu Davida |
||
Ukasemwa ku kisungu |
||
Ukasemekelwa mu Betelema |
||
Bakamutumba jizhina amba Imanuele b |
||
Ukasemekelwa mu kisemi kya bayanji |
||
Bakepaya baana babacheche inge wasemwa |
||
Bakamwita kuba’mba afume mu Ijipita |
||
Bakamutela’mba mwina Nazala c |
||
Bakatangizhako muluwe kulutwe yanji |
||
Bakamushinga manyi kwikala Mesiasa mu 29 C.E. d |
||
Lesa ukamba’mba Yesu Mwananji |
||
Ukamwesha mukoyo wa nzubo ya Lesa |
||
Ukasapwila mambo awama |
||
Ukasapwila bantu bavula mu Ngalilea kabiji bantu bakamona kyeya kikatampe |
||
Ukoba bya kukumya nobe Mosesa |
Mpitulukilo ya mu Mizhilo 18:15 |
|
Ukamba byambo bya Lesa byonka byaubile Mosesa |
Mpitulukilo ya mu Mizhilo 18:18, 19 |
|
Ukabuka bikola bya bantu bavula |
||
Kechi uketumbijika mwine ne |
||
Ukobila lusa bantu bamanama |
||
Ukamwesha bunchibamambo bwaoloka bwa Lesa |
||
Upana Maana wa kukumya |
||
Ukasapwila jizhina ja Yehoba |
||
Ukamba bishimpi |
||
Ntangi |
||
Bantu bavula kechi bakamwitabila ne |
||
Ukekala jibwe ja kwituntulako |
||
Bantu bakamukana |
||
Bantu bakamushikwa kwa kubula mambo |
||
Ukatwela mu Yelusalema na lushinjilo pa mbongolo |
||
Bakamutota ku baana ba bacheche |
||
Ukeshila mu jizhina ja Yehoba |
||
Bakamusolola ku mulunda nanji ye akaketekela |
||
Bakamusolola na mashekele a siliva 30 e |
||
Balunda nanji bakamupalañana |
||
Bakamonyi ba bujimbijimbi bakeya na kumushinawina |
||
Kechi ukakumbula bakamupamo mambo ne |
||
Bakamushipila mate |
||
Bamupuma ku mutwe |
||
Bakamuzhipaula |
||
Kechi ukakana kumupuma ne |
||
Bamfumu ba pano pa ntanda bakamumvwañena |
||
Bakamupopa pa kichi kya lumanamo ku maboko ne ku maulu |
||
Bantu bakata bubale pa kwabana bivwalo byanji |
||
Bakamubajila pamo na bantu babi |
||
Bakamwendeleka ne kumuba mwenga |
||
Bakamumanyika na mambo a bandengamambo |
||
Ukamweka nobe Lesa wamulekelela |
||
Bakamupa binyu byasasa kabiji byalula amba atome |
||
Ukomvwa kilaka byo kukashalatu pacheche kufwa |
||
Ukapana mupashi wanji kwi Lesa |
||
Ukapana bumi bwanji |
||
Ukapana bukuzhi bukafumyapo bundengamambo |
||
Kechi bakachimuna bikupa byanji ne |
||
Bakamwasa jifumo |
||
Bakamuzhiika ko bazhiika banonshi |
||
Bakamusangula |
||
Pa ukamusolola bakapingizhapo mukwabo |
||
Ukekala ku kuboko kwa kilujo kya Lesa |
a Buku wa Cyclopedia wanembele ba McClintock ne ba Strong waamba’mba: “Kechi pajipo ne luzhinauko lwa kuba’mba mabuku mwanembelwe mikoka ya Bayudea ne bisemi aonaikile kimye kyaonawinwe Yelusalema ne. Ano mabuku kechi aonaikile saka bakyangye kumonauna Yelusalema ne.”
b Jizhina ja Kihebelu ja Imanuele jilumbulula’mba “Lesa Uji Ne Atweba,” jino jizhina jilumbulula bulongo mwingilo wa kwa Yesu byo aji Mesiasa. Byo aishile pano pa ntanda ne mingilo yo aingijile byamwesheshe kuba’mba Lesa wajinga na bapopweshi banji.—Luka 2:27-32; 7:12-16.
c Byambo bya kuba’mba “mwina Nazala” kyamweka byafumine ku kyambo kya Kihebelu kya kuba’mba neʹtser kulumbulula’mba “musele.”
d Pa kuba’mba muyuke byavula pa ndonda ya bintu byamwekelenga byanembwa mu Baibolo bimwesha’mba 29 C.E. ye mwaka wafikile Mesiasa, monai kibaaba kya kuba’mba “Bungauzhi bwa Danyela byo Bwaambijile Jimo Kufika kwa Mesiasa.”
e Buno bungauzhi buji mu buku wa Zekaliya, pano bino, nnembi wa Baibolo aye Mateo wanembele’mba kino “kyaawile ngauzhi Yelemiya.” (Mateo 27:9) Kyamweka buku wa Yelemiya ye wajinga buku mutanshi mu kipungu kya Binembelo bitelwa’mba “Bangauzhi.” (Luka 24:44) Mateo wafwainwa waingijishe “Yelemiya” pa kwamba pa mabuku onse a bangauzhi, kubikapo ne buku wa Zekaliya.
Mwakonsha Kutemwa
LABAINGA!
Byambapo Baibolo pe Mesiasa
Nanchi mwayuka kuba’mba bungauzhi bwa mu Baibolo bwaambijile jimo kuba’mba Mesiasa ukafwa saka akyangye kupwisha mwingilo wanji nyi?
