Nanchi Lesa Uji na Mazhina Anga?
Mukumbu wa mu Baibolo
Lesa uji na jizhina ja kyanji kyanji. Ajino jizhina bejinemba mu bino bisopelo יהוה bya Kihebelu kabiji mu Kizungu jino jizhina bejinemba’mba “Yehoba.” a Lesa wabuujile ngauzhi wanji aye Isaya amba: “Amiwa yami Yehoba. Jino jo jizhina jami.” (Isaya 42:8) Ajino jizhina jitanwamo bimye 7,000 mu manyusikilipiti a kala a Baibolo kukila manyusikilipiti ajiko lelo mujitu Lesa nangwa jizhina jikwabotu. b
Nanchi Yehoba uji na mazhina akwabo nyi?
Nangwa kya kuba Baibolo wamba pe Lesa kwingijisha jizhina ja kyanji kyanji, pano bino waingijisha ne byambo bikwabo kulumbulula byo aji. Panshipo paji byambo bikwabo ne byo bilumbulula, byonse byamwesha byubilo biji ne Yehoba.
Byambo bikwabo |
Mo Byafuma |
Byo Bilumbulula |
|---|---|---|
Allah |
(Kafwako) |
Mu mulaka wa Arabic, kyambo kya kuba’mba “Allah” kechi jizhina ne, ke kyambo kikwabo kya kutongwelamo “Lesa.” Bantuntuluzhi ba Baibolo mu mulaka wa Arabic ne milakatu ikwabo bengijisha “Allah” amba jo jizhina ja “Lesa.” |
Wa Bulume Bonse |
Uji na bulume bwakila. Kyambo kya Kihebelu kya ʼEl Shad·daiʹ ko kuba’mba “Lesa wa Bulume Bonse” kitanwa mu Baibolo bimye bitanu na bibiji. |
|
Alefwa ne Omeka |
Byambo bya kuba’mba “yami mutanshi kabiji wapelako” nangwa’mba “yami ntendekelo ne mpelo” bibena kulumbulula’mba kechi kwajingapo Lesa wa Bulume Bonse pe Yehoba ne. Kabiji kechi kukekalapo mukwabo ne. (Isaya 43:10) Byambo bya kuba’mba Alefwa ne omeka byo byambo bitanshi kabiji byo byapelako mu ndonda ya Kingiliki. |
|
Wa Kala Kene |
Kechi uji na ntendekelo ne. Aye wajingako kufumatu kala kene saka kukyangye kwikalapo muntu nangwatu kilengwa kimo ne.—Salamo 90:2. |
|
Mulenga |
Ye walengele bintu byonsetu. |
|
Tata |
Upana bumi. |
|
Lesa |
Ke kintu kyo bapopwela kiji na bulume. Mu Kihebelu kyambo kya ʼElo·himʹ kilumbulula bukata bwa Yehoba ne buneme. |
|
Lesa wa balesa |
Mpitulukilo ya mu Mizhilo 10:17 |
Ye Lesa wakila “balesa batutu” bo bapopwela.—Isaya 2:8. |
Mufunjishi Wakila |
Ufunjisha bintu byawama bikwasha bantu ne kwibatangijila.—Isaya 48:17, 18. |
|
Mulenga Mukatampe |
Walengele bintu byonsetu.—Lumwekesho 4:11. |
|
Lesa wa lusekelo |
Uji na kyubilo kya kusekela ne kusangalala.—Salamo 104:31. |
|
Umvwa milombelo |
Ye yenkatu uteleka milombelo ilomba bantu kwi aye na lwitabilo. |
|
Yami Njipo |
Kulupuka 3:14, Buku wa Lesa |
Wikela monka mo akebela pa kuba’mba afikizhe kyaswa muchima wanji. Akino kyambo bekituntulula ne kuba’mba “Nkekala Monka mo Nkafuukwila Kwikala.” (Baibolo wa Binembelo bya Ntanda Ipya) Ino ndumbulwilo itukwasha kulumbulula bulongo jizhina ja Yehoba mo jatala byonkatu byaamba kino kyepelo.—Kulupuka 3:15. |
Mukao |
Kulupuka 34:14, Buku wa Lesa |
Kubula kupopwela kintu kikwabo. Akino kyambo bekituntulula ne kuba’mba ukebatu “kumwingijilatu bunke bwanji.”—Baibolo wa Binembelo bya Ntanda Ipya. |
Mfumu wa myaka |
Bukalama bwanji kechi buji na ntendekelo nangwa mpelo ne. |
|
Nkambo |
Mwinakyo. Mu Kihebelu ke ʼA·dhohnʹ ne ʼAdho·nimʹ. |
|
Mwine Wakila |
Ye mwine mukatampe. |
|
Mwine Wazhila |
Wazhila bingi (kechi ujipo nangwa na bubi buchechetu ne) kukila muntu yense. |
|
Mbumbi |
Uji na luusa pa bantu bonsetu ne bisaka byonse bya bantu byonkatu mbumbi byo ekala na luusa pa buchimba.—Loma 9:20, 21. |
|
Mukuzhi |
Ubwezha bintu byo byajinga kala nangwa’mba kukuula bantu ku bundengamambo ne lufu kupichila mu kitapisho kya kwa Yesu Kilishitu.—Yoano 3:16. |
|
Jibwe |
Ye nsakwa yakosa kabiji mo mwa kupulukila. |
|
Mupulushi |
Upokolola muntu mu lukatazho nangwa mu bya malwa. |
|
Kafunga |
Uta bingi muchima bapopweshi banji. |
|
Nkambo Mfumu |
Uji na luusa lukatampe, mu Kihebelu ʼAdho·nai. |
Mazhina a mapunzha amo aji mu Binembelo bya Kihebelu
Mapunzha amo o banemba mu Baibolo beatongola na jizhina ja Lesa. Pano bino, ano kechi mazhina a kupingakenya pe Lesa ne.
Jizhina ja mpunzha |
Mo Jafuma |
Byo Jilumbulula |
|---|---|---|
Yehoba-jaile |
“Yehoba Umwena.” |
|
Yehoba-nisi |
“Yehoba kyo kiyukilo kya lupulukilo lwami.” Yehoba ye Lesa bantu bonse ye bafwainwa kuketekela kwibapokolola ne kwibakwasha.—Kulupuka 17:13-16. |
|
Yehoba-shalomu |
“Yehoba ye Mutende.” |
Ene o twafwainwa kuyukila jizhina ja Lesa ne kwijingijishanga
Lesa mwine wayuka’mba jizhina janji jine ja kuba’mba Yehoba janema bingi mambo wijinembele mu Baibolo bimye byavula bingi.—Malakai 1:11.
Mwana Lesa aye Yesu waambilepo bingi pa ene mambo jizhina ja Lesa o janemena. Yesu walombele kwi Yehoba amba: “Jizhina jenu jizhile.”—Mateo 6:9; Yoano 17:6.
Pa kuba’mba muntu ekale na bulunda bwakosa ne Yehoba, patanshi wafwainwa kuyuka jizhina janji ne kwijingijishanga. (Salamo 9:10; Malakai 3:16) Yense uji na bulunda bwakosa ne Yehoba ukamwenamo bintu byawama biji mu mulaye ye alaya wa kuba’mba: “Na mambo a kuba wantemwa, nkamupokolola. Nkamuzhikijila mambo wayuka jizhina jami.”—Salamo 91:14.
Baibolo waamba’mba: “Kuji batelwa’mba balesa, mwiulu nangwa pano pa ntanda, byonkatu byo kuji ‘balesa’ bavula ne ‘bankambo bavula.’” (1 Kolinda 8:5, 6) Nangwa byonkabyo, Baibolo witubuula’mba kujitu Lesa umotu wa kine wa jizhina ja Yehoba.—Salamo 83:18.
a Bashayuka ba Kihebelu batemenwe bingi kwingijisha “Yahweh” paji jizhina ja Lesa.
b Byambo bya kuba’mba “Hallelujah” nangwa’mba “Aleluya” bilumbulula’mba “Totai Yehoba!”—Lumwekesho 19:1.
Mwakonsha Kutemwa
MEPUZHO A MU BAIBOLO A KUMBULWA
Yehoba ye Ñanyi?
Nanchi Lesa wa kisaka kimotu kya bantu, nabiji bena Isalela nyi?
BINTU BYAAMBA BAIBOLO
Nanchi Lesa Uji na Jizhina Nyi?
Lesa utelwa’mba wa Bulume Bonse, Mulenga, ne Nkambo. Bino jizhina ja Lesa bejingijisha mu Baibolo kukila pa bimye 7,000.
BAKAMONYI BA KWA YEHOBA
Lombai Lufunjisho lwa Baibolo
Ikalai na lufunjisho lwa Baibolo lwatutu pa kimye ne mpunzha yo mukeba.