Ee, Diabola kine muntu. Diabola ye “mfumu wa pano pa ntanda,” ke malaika waikele na milanguluko yatama ne kusatukila Lesa. (Yoano 14:30; Efisesa 6:11, 12) Baibolo walumbulula Diabola byo aji byo bamutongola na ano mazhina:

•   Satana kilumbulula wa “Milengulwila.”—Yoba 1:6.

•   Diabola kilumbulula wa “Luntepentepe.”—Lumwekesho 12:9.

•   Muloolo ye baambapo mu Baibolo ulumbulula wa “Bujimbijimbi.”—2 Kolinda 11:3.

•   Wesekañana.—Mateo 4:3.

•   Wa bubela.—Yoano 8:44.

Satana kechi bubi buji mukachi ka muntu ne

 Bantu bamo balanguluka’mba Satana ke byubilotu byatama biji mwi atweba bantu. Pano bino, Baibolo waamba pa jishimikila jaamba pe Lesa ne Satana byo besambilenga. Lesa waoloka, kechi wakonsha kwisamba na bubi buji mwi aye mwine ne. (Mpitulukilo ya mu Mizhilo 32:4; Yoba 2:1-6) Kabiji kimye kikwabo Satana wayile na kweseka Yesu wabujile ne kulengapo mambo. (Mateo 4:8-10; 1 Yoano 3:5) Onkao mambo, Baibolo waamba’mba Diabola muntu kechi bubi buji mwi aye ne.

 Nanchi twafwainwa kukumya bantu bavula byo bakana’mba Diabola kechi muntu nenyi? Ine, kechi twafwainwa kukumya ne. Mambo Baibolo waamba’mba Satana wingijisha bujimbijimbi kuba kyaswa muchima wanji. (2 Tesalonika 2:9, 10) Jishinda jikatampe jo engijisha kongwelamo bantu bavula ke kwibalengela kukana’mba Satana ufwako.—2 Kolinda 4:4.

 Kine: Kyambo kya Kihebelu mu ma Baibolo amo “Lusifa” kilumbulula “usama.” (Isaya 14:12) Akino kyambo kibena kwimenako kafulumende nangwa ndonda ya bamfumu ba mu Babilona, Lesa bo aonawine na mambo a bwitote bwabo. (Isaya 14:4, 13-20) Kyambo kya kuba’mba “usama” bekingijishe kulengulwilamo bufumu bwa bena Babilona kimye kyo bebushinjile.

 Kine: Diabola ke mulwanyi wa Lesa kechi wa mwingilo wa Lesa ne. Satana Diabola ukanya ne kupamo mambo a bubela bantu bengijila Lesa.—1 Petelo 5:8; Lumwekesho 12:10.