Mu Baibolo muji mambo a Lesa nangwa’mba byambo byanembelwa atweba. Witubuula byo twafwainwa kwikala bulongo ne byo twafwainwa kuba pa kutokesha Lesa ku muchima. Kabiji wakumbula ne mepuzho aji panshipo:

Mu Baibolo muji mabuku acheache 66. Bamwabanya mu bipungu bibiji: Binembelo bya Kihebelu ne Kialamaiki (“Lulayañano lwa Kala”) ne Binembelo bya Kingiliki (“Lulayañano Lupya”). Buku yense wa mu Baibolo uji na bitango ne byepelo. Inge bamwesha kinembelo, nambala itanshi yalondela jizhina ja buku ilumbulula kitango, nambala nangwa manambala alondelapo alumbulula kyepelo nangwa byepelo. Nabiji Ntendekelo 1:1 kibena kulumbulula’mba Ntendekelo kitango 1, kyepelo 1.