“Obewa Betelema Efulata, . . . mwi obewa mo mukafuma ukekala kalama mu Isalela.”

Mika 5:2

“Yesu byo asemekelwe mu Betelema wa mu Yudea mu moba a mfumu Heloda, bashayuka ba tubangabanga baishile ku Yelusalema kufuma ku Musela.”

Mateo 2:1

“Baabana bivwalo byami, kabiji bata bubale pa kivwalo kyami.”

Salamo 22:18

“Bashilikale byo bapwishishe kumupopa Yesu pa kichi, bashikwile bivwalo byanji bya peulu ne kwibyabanyapo pana . . . Bino kino kivwalo kya mukachi kechi kyajinga na mifumo ne, mambo bekipikwile kufumatu kwiulu kufika ne kunshi. Onkao mambo, beambijile bene na bene amba: ‘Kange twikitabule ne, bino twayai tute bubale pa kuba’mba tuyuke usakwikisenda.’”

Yoano 19:23, 24

“Uzhikijila bikupa byanji byonse; kafwako nangwa kimo kyachimukapo ne.”

Salamo 34:20

“Byo bafikile pe Yesu, bataaine’mba wafwa kala, onkao mambo kechi bamuchimawine maulu ne.”

Yoano 19:33

“Aye bamwashile na mambo a mambo etu.”

Isaya 53:5

“Mushilikale umo wamwashile jifumo mu mbavu, ponkapotu mashi ne mema apokomokele.”

Yoano 19:34

“Kabiji bampele mfweto yami, mashekele a siliva 30.”

Zekaliya 11:12, 13

“Ponkapo umo wa mu batumwa Jikumi na Babiji, aye Yudasa Isakaliota, wayile ku bañanga bakatampe ne kwibashikisha’mba: ‘Musakumpa ka umvwe nemusolweleye?’ Abo bamwambijile kumupa mali a siliva 30.”

Mateo 26:14, 15; 27:5