“Amiwa nkabika bulwanyi pakachi kobe ne mwanamukazhi ne pakachi ka mwanobe ne mwana wa mwanamukazhi. Aye ukafumpa mutwe wobe ne obewa ukasuma ku kashiko kanji.”

Ntendekelo 3:15

“Kupichila mu mwanobe bisaka byonse bya bantu biji pano pa ntanda bikatambula mapesho mambo waumvwina jiwi jami.”

Ntendekelo 22:18

“Bufumu bwenu bwiye. Kyaswa muchima wenu kyubiwe pano pa ntanda.”

Mateo 6:10

“Mambo katatakatu, Lesa upana mutende akachakakanye Satana munshi ya maulu enu.”

Loma 16:20

“Pakuba bintu byonse byo bakebikookesha munshi ya maulu anji, Mwana naye ukekookesha aye mwine kwi Lesa yenka wamukookesheshe bintu byonse pa kuba’mba, Lesa ekale bintu byonse ku bantu bonse.”

1 Kolinda 15:28

 “Abalahama ne mwananji batambwile milaye . . . , aye Kilishitu. Kabiji umvwe mwi ba kwa Kilishitu, mwi baana ba kwa Abalahama.”

Ngalatiya 3:16, 29

“Bufumu bwa pa ntanda bwaaluka ke Bufumu bwa Nkambo yetu ne bwa Kilishitu wanji, kabiji aye ukekala mfumu myaka ne myaka.”

Lumwekesho 11:15

“Onkao mambo, nsuñunyi mukatampe bamutayile panshi, yenka aye muloolo wa kala, utelwa’mba Diabola kabiji Satana, yenka ubena kujimbaika bantu ba pano pa ntanda ponse; bamutayile pa ntanda ne bamalaika banji bebatayile pamo nanji.”

Lumwekesho 12:9

“Wakwachile awa nsuñunyi yenka muloolo wa kala, aye Diabola kabiji Satana, ne kumukasa myaka 1,000.”

Lumwekesho 20:2