“Uno buku wa Mizhilo kechi akafume mu kanwa kobe ne, ukamutangenga ne kulanguluka langulukapo mute ne bufuku pa kuba’mba ukalondelenga bulongo byonse byanembwamo; mambo mu kuba bino, jishinda jobe jikawama kabiji ukobanga bintu na maana.”

Yoshua 1:8

“Batwajijile kutanga mu buku na jiwi ja peulu mu Mizhilo ya Lesa wa kine, ne kwiilumbulula bulongo ne kulumbulula mo yatala; onkao mambo bakwashishe bantu kumvwisha byo batangilenga.”

Nehemiya 8:8

“Ye mwine wa lusekelo muntu ubula kwenda mwayila mabulañano a babi . . . , pakuba aye usekela monka mu mizhilo ya Yehoba, kabiji utanga mizhilo yanji ne kulanguluka langulukapo mute ne bufuku. . . . Ne bintu byonse byo oba bikalumbuluka.”

Salamo 1:1-3

“Filipa wanyemejile konka ne kumumvwa saka atanga na jiwi ja peulu mu buku wa ngauzhi Isaya, kabiji wamushikishe’mba: ‘Nanchi mwayuka bintu byo mubena kutanga nyi?’ Aye wamukumbwile’mba: ‘Nakonsha kwibiyuka byepi kwa kubula muntu wa kundumbulwila?’”

Byubilo 8:30, 31

 “Byubilo byanji bibula kumweka byamweka patoka kufumatu kimye kyo alengele ntanda, mambo bimwekela mu bintu byo alenga, ko kuba’mba bulume bwanji bwa myaka ne kuba’mba ye Lesa, pa kuba’mba babule kwikangaizha.”

Loma 1:20

“Saka ulangulukishapo pa bino bintu; wikale monka, pa kuba’mba kuyilako palutwe kobe kumweke ku bantu bonse.”

1 Timoti 4:15

“Twayai twitenga muchima atwe bene na bene kuba’mba twitundaikenga kwitemwa atwe bene na bene ne kuba mingilo yawama, kabiji kange tuleke kupwila pamo. . . ne.”

Bahebelu 10:24, 25

“Umvwe umo mwi anweba wakepelwa maana, alombenga kwi Lesa, mambo aye upana na muchima yense ku bonse kwa kubula kunenañana, kabiji ukamupao.”

Yakoba 1:5