Amosi 5:1-27
5 “Umvwai bino byambo byo mbena kwimwimbila mu lwimbo wa bulanda,* anweba ba mu nzubo ya Isalela:
2 ‘Isalela kisungu wapona;Kechi wakonsha kubukapo jibiji ne.
Bamushatu panshi monka mu kyalo kyanji;Kafwako wa kumubushapo ne.’
3 “Mambo Nkambo Mfumu Yehoba waamba’mba:
‘Muzhi mulupuka bantu kiumbi kimo ukashala na bantu kitota kimo;Ne yewa uya na bantu kitota kimo ukashala na bantu jikumi, kino kyo kikamwekela ba mu nzubo ya Isalela.’+
4 “Yehoba waambila ba mu nzubo ya Isalela amba:
‘Nkebai pa kuba’mba mwikala na bumi.+
5 Kange mukebenga Betele ne,+Kange muye ku Giligala+ nangwa kupitaila ku Belesheba ne,+Mambo kine Giligala ukaya mu buzha,+Ne Betele bakamonauna.
6 Mukebai Yehoba kuba’mba mwikalenga na bumi,+Pa kuba’mba abule kuteema nobe mujilo pa ba mu nzubo ya kwa Yosefwa,
Ne kusoka Betele, kwa kubula nangwa umo wa kumuzhimya.
7 Bunchibamambo bwaoloka mwibwalula ke kichi kyalula,*Kabiji bololoke mwibutaya panshi.+
8 Awa walengele mwala wanshansha* utelwa amba Kima ne utelwa amba Kesilu,*+Yenka walula mfishi ikatampe ke lukelo,Yenka ulengela mute kufiitatu nobe bufuku,+Yenka wita mema a mu kalunga ka memaKuba’mba eechile pa ntanda+—Jizhina janji Yehoba.
9 Ukaleta bukiji lonaiko pa bantu bakosa,
Kuleta lonaiko pa mapunzha akosa.
10 Bashikwa boba bebajimunako ku kibelo kya muzhi,Kabiji bashikwa boba bamba bya kine.+
11 Na mambo a kuba’mba mutambula musonko* wa bujimi ku bayanjiNe kutambula kajo kabo kwikala ke mulambo,+Kechi mukatwajijila kwikala mu mazubo a mabwe a kusonga o mwashimika ne+
Kabiji kechi mukatomanga binyu bya ku mañanzañanza awama o mwajima ne.+
12 Mambo nayuka kuvula kwa mizhilulwila* yenuNe kubaya kwa bubi bwenu—Mumanyika baoloka,Mutambula mazhikakanwa,*Kabiji munyanchijila luusa lwa bayanji ku kibelo kya muzhi.+
13 Onkao mambo, aba baji na maana bakazhindamatu pa kyokya kimye,Mambo kikekala kimye kya bya malwa.+
14 Kebainga byawama, kange mukebenga byatama ne,+Pa kuba’mba mwikalenga na bumi.+
Kepo Yehoba Lesa wa mabumba akekala ne anweba,Byonkatu byo mwamba’mba muji nanji.+
15 Shikwai byatama, temwaiko byawama,+Muleke bunchibamambo bwaoloka buvule ku kibelo kya muzhi.+
Kampe Yehoba Lesa wa mabumbaUkobila bibusa bashalapo ba kwa Yosefwa.’+
16 “Onkao mambo, Yehoba Lesa wa mabumba, yenka Yehoba, waamba’mba:
‘Mu mabanza onse mukekala mabingo,Ne mu mikwakwa yonse bakatamanga’mba, “Mamoo, mamoo!”
Bakambila banjimi kujilaNe boba bemba nyimbo ya bulanda kujila mabingo.’
17 ‘Mu majimi onse a miñanzañanza mukekalatu mabingo;+Mambo nkapita mukachi kenu,’ byo byaamba Yehoba.
18 ‘Malwa abo aba bakebesha juba ja Yehoba!+
Ñanyi bintu bikamweka pa juba ja Yehoba?+
Kukekala mfishi, kechi kukekala kyeya ne.+
19 Kikekala nobe muntu wanyema bokwe ne kusambakana mbeyala,Kabiji byo atwela mu nzubo yanji ne kushakamina ku lubumbulu, muloolo wamusuma.
20 Nanchi juba ja Yehoba kechi jikekala ja mfishi, kwa kubula kyeya nenyi?Nanchi kechi jikekala na mfishi ikatampe, kwa kubula kyeya nenyi?
21 Nashikwa ne kulengulula bijiilo byenu,+Kabiji kechi mmwenamo lusekelo mu bwema bwa kubuñana kwenu kwazhila ne.
22 Nangwatu mulambule milambo ya kusoka ne milambo ya bupe kwi amiwa,Kechi mmwenamo lusekelo ne;+Kabiji kechi nkebitala bulongo bitapisho byenu bya mutende bya banyama banuna ne.+
23 Lekai kunguba kyungwe na nyimbo yenu;Kabiji kange ñumvwe nyimbo ya bijimba byenu bya mizhinge ne.+
24 Bunchibamambo bwaoloka bukonkolokenga nobe mema,+Ne bololoke bupitenga nobe kakola kapitatu kikupu.
25 Nanchi mwandetejilenga bitapisho ne milambo ya bupeAya myaka 40 yo mwajinga mu kiselebwa, anweba ba mu nzubo ya Isalela nyi?+
26 Pano mukasenda Sakuta mfumu wenu ne Kaiwanyi,*Bipashañano byenu, kabangabanga ka lesa wenu, byo mwilengejile,
27 Kabiji nkemutwala mu buzha kwalepa kukila Damasakasa,’+ byo byaamba aye wa jizhina ja Yehoba Lesa wa mabumba.”+
Tubyambo twa munshi
^ Nangwa’mba “lwimbo wa majila.”
^ Nangwa’mba “bintu byalula.”
^ Kampe tubangabanga twavula tutelwa’mba Olonyi.
^ Kampe tubangabanga tutelwa’mba Puladesa tuji mu mwala wanshansha utelwa’mba Taulusa.
^ Nangwa’mba “musonko wa mushiji.”
^ Nangwa’mba “mali a mu lunkanankana.”
^ Nangwa’mba “bumbanzhi.”
^ Bano balesa bakonsha kulumbulula pulaneti itelwa’mba Saturn, yo bapopwelanga amba lesa.
