Byambo bya Maana 20:1-30
20 Binyu bikosamika,+ maalwa alengela kuba bintu byatama;+Yense uya mungi na mambo a binyu ne maalwa kechi uji na maana ne.+
2 Moyo uleta mfumu uji nobe kubuluma kwa bokwe;+Yense umuzhingijisha ubika bumi bwanji mu kizumba.+
3 Kileta munema inge muntu wachinuzhuka lutobo,+Bino yense wakosama watemwa bingi kutoboka.+
4 Nkope kechi ujima mu kimye kya mayoo ne,Onkao mambo, mu kimye kya kunowa ulombatu kajo, mambo kechi wikalapo na kintu ne.*+
5 Milanguluko ya mu muchima wa muntu* iji nobe mema aji mwazhika,Bino muntu wa milangwe ye wakonsha kwiiyuka.
6 Bantu bavula bamba’mba baji na butemwe bubula kwaluka,Bino ñanyi wakonsha kutaana muntu wa kishinka?
7 Muntu waoloka wenda mu bukishinka bwanji.+
Baana* banji bo akasema bakekala na lusekelo.+
8 Mfumu inge waikala pa jitanda na kuchiba mambo,+Utalatala bulongo kuba’mba afumyemo bubi bonse.+
9 Ñanyi wakonsha kwamba’mba: “Natokesha muchima wami;+Kechi nendengamambo ne”?+
10 Bipimo bya bujimbijimbi ne mashikelu a bubela,*Byonse bibiji byo bya bunya kwi Yehoba.+
11 Mwana* bamuyukila ku byubilo byanji,Kana byubilo byanji byawama nangwa koloka.+
12 Matwi omvwa ne meso amona,Yehoba ye wibilengele byonse.+
13 Kange utemwe kulaala ne, mambo wakonsha kuyanda.+
Labanga, bino ukekale na kajo kavula.+
14 Upota wamba’mba: “Kechi kyawama ne, kechi kyawama ne,”Apa bino kaye na kwitota.+
15 Kuji ngolode ne mabwe a makolale* avula,Bino kanwa kamba bya maana, kanema bingi.+
16 Senda kivwalo kya muntu inge wakupa amba ukwachilemo na mambo a muntu ungi;+Kwachilamo kintu kyanji umvwe wakupakyo na mambo a mwanamukazhi ungi.*+
17 Kajo ko amwena muntu mu bujimbijimbi katobala,Bino kulutwe kanwa kanji kakayula balashi.+
18 Bintu byo balangulukila jimo* bilumbuluka* inge besambapo,+Ne lutangijilo lwawama* lulengela kulwa nkondo bulongo.+
19 Muntu wa luntepentepe upitañana na kusolola bya bufyamfya;+Kange upwanañane na muntu watemwa miyebe* ne.
20 Yense ufinga bashanji ne bainanji,Lampi wanji ukazhima inge kwaikala mfishi.+
21 Buswanyi bo batambula na mambo a lwisoKulutwe kechi bukaleta mapesho ne.+
22 Kange wambe’mba: “Nkashinkanya” ne.+
Ketekela mwi Yehoba,+ ne aye ukakupulusha.+
23 Bipimo* bya bujimbijimbi byo bya bunya kwiYehoba,
Ne mashikelu a bujimbijimbi kechi awama ne.
24 Yehoba ye utangijila kwenda kwa muntu;+Muntu wakonsha kuyuka byepi jishinda janji mwine?*
25 Kikala ke kitewa inge muntu waamba bukiji amba, “Kyazhila!”+
Apa bino kalanguluke pa byo aji kuchipa.+
26 Mfumu wa maana utalatala babi+Ne kwibapuula na kitanga kyo bapuujilako kajo.+
27 Muya wa muntu ye lampi wa Yehoba,Upalanguzha mu muchima wa muntu.
28 Butemwe bubula kwaluka ne bukishinka byo bilama mfumu;+Ukosesha jitanda janji na mambo a butemwe bubula kwaluka.+
29 Bulume bwa bansongwalume lo lukumo lwabo,+Ne mvwi ye munema wa bakote.+
30 Minkakamba ya bipumo ne bilonda bipwisha bubi,+Ne bipumo bitokesha muchima wa muntu.
Tubyambo twa munshi
^ Nangwa, “Bakakebanga mu kimye kya kunowa bino kechi bakataanapo kintu nangwa kimo ne.”
^ Nangwa’mba “Bikeba muntu.” Mu Kihebelu, “Bifuukula muntu.”
^ Mu Kihebelu, “Baana ba balume.”
^ Nangwa’mba “Bipimo bibiji byapusana ne mashikelu abiji apusana.”
^ Nangwa’mba “Kalombwana.”
^ Nangwa’mba “mwenyi.”
^ Nangwa’mba “bafuukula.”
^ Nangwa’mba “bikosa.”
^ Nangwa’mba “lutangijilo lwa maana.”
^ Nangwa’mba “ujimbaika na byatunwa byanji.”
^ Nangwa’mba “Bipimo bibiji bya mabwe byapusana.”
^ Nangwa’mba “jishinda ja kuyamo?”
